Túlekter jekemenshik uıymdarda da jumys isteý arqyly granttaryn óteı alady
«Memlekettik grant arqyly oqýǵa túsken stýdentterdiń grantty jumyspen óteý sharttary jeńildetildi. Endi túlekter tek memlekettik mekemelerde ǵana emes, jekemenshik uıymdarda da jumys istep, granttaryn óteı alady. Basty shart – daıyndyq baǵyty (mamandyǵy) boıynsha jumys isteýi tıis», - dep túsindirdi mınıstr áleýmettik jelidegi paraqshasynda .
Onyń aıtýynsha, bul máseleni túlekter jıi kóteretin. Jańa norma túrli uıymdardaǵy kadr máselesin sheshýge de septigin tıgizedi.
Sondaı-aq túlekterdiń jumyspen qamtylý múmkindikterin keńeıtýge jol ashady.
«Mysaly, stýdent aýyldyq kvota arqyly farmatsevtıka baǵyty boıynsha oqýyn aıaqtady delik. Keıin ol aýylǵa baryp, óz mamandyǵy boıynsha memlekettik uıymda jumys isteýge mindetti bolatyn.
Al, aýylda memlekettik dárihana joq bolsa she? Túlektiń qıyn jaǵdaıǵa tap bolatyny anyq. Sondyqtan bul másele de sheshimin tapty.
Qazir memlekettik-jekeshelik áriptestik damyp keledi jáne memlekettik tapsyrys jekemenshik balabaqshalarda, mektepter men aýrýhanalarda ornalastyrylyp jatyr. Endigi kezekte grantpen oqyǵan túlek óz daıyndyq baǵyty boıynsha jekemenshik uıymdarda esh kedergisiz jumys isteı alady», - dedi A. Aımaǵambetov.