Túlekter UBT tapsyrý kezinde qandaı saqtyq sharalaryn ustanýy kerek
Búginde mektep túlekteri UBT aldyndaǵy sońǵy daıyndyqtaryn pysyqtaýda. Olardyń kóbisin osy jyly testileýdiń qalaı ótkiziletindigi tolǵandyrǵany ras. Jýyqta D.Serikbaev atyndaǵy ShQMTÝ-da onlaın brıfıng ótip, oqýshylar óz saýaldaryna jaýap aldy. ShQO Bilim basqarmasynyń basshysy Saırangúl Jumadilova jáne ýnıversıtettiń oqý-ádistemelik jumys jónindegi prorektory Jadyra Qońyrbaeva túlekter úshin basty emtıhannyń qalaı ótetini týraly, sonymen qatar JOO-ǵa qujattardy tapsyrý jaıly egjeı-tegjeıli aıtyp berdi.
«Bıyl UBT-ǵa ótinishter onlaın túrde qabyldanýda. Mektep túlekteri 10 mamyrǵa deıin ótinim bere alady. Oblys boıynsha emtıhan 16 tapsyrý pýnktinde ótkiziledi. Formaty ózgergen joq, tek qana saqtyq sharalar kúsheıtiledi. Mysaly, byltyr bir aýdıtorııada 60 stýdent otyrsa, bıyl 30 túlek kirgizilip, olar bir-birinen alshaq otyrǵyzylady. Sondaı-aq oqýshylar teplovızor, antıseptıktermen qamtamasyz etiledi. Ata-analar da balalarynyń emtıhan tapsyryp jatqanyn baqylaı alady. Barlyǵa onlaın kórsetiledi», - deıdi Saırangúl Jumadilova.
Aıta keteıik, osy jyly oblys ákiminiń 400-ge jýyq granty bólinbek.