Tuqym sharýashylyǵy qondyrǵylaryna tólenetin sýbsıdııa normatıvi 25%-dan 80%-ǵa deıin artady

ASTANA. QazAqparat – Tuqym sharýashylyǵy qondyrǵylaryna tólenetin sýbsıdııa normatıvi 25%-dan 80%-ǵa deıin artady, dep habarlaıdy QazAqparat tilshisi.

Bul týraly Premer-Mınıstr Álıhan Smaıylov Senat depýtattarynyń saýalyna joldaǵan jaýabynda jazdy.

«Attestatsııalanǵan tuqym shyǵaratyn jekemenshik óndirýshilerdiń jaraqtalý deńgeıin jaqsartý úshin ınvestıtsııalyq shyǵyndardyń bir bóligin sýbsıdııalaý erejesine ózgeris engizilýde. Naqtyraq aıtsaq, tuqym sharýashylyǵynyń selektsııalyq tehnıkalaryna jáne tuqym tazalaý-suryptaý qondyrǵylaryna jumsaǵan shyǵyndy óteý normatıvin 25%-dan 80%-ǵa deıin arttyrý jóninde ózgeris engizilip jatyr», - dep jazylǵan jaýapta.

Eske salsaq, Ortalyq saılaý komıssııasy jarııalaǵan túpkilikti qorytyndy boıynsha, «Aýyl» partııasyna Májilis minberinen 8 mandat berilgen bolatyn.