Týǵan jer: Pavlodarda belsendi jastar aýyldastaryna sport klýbyn syıǵa tartty
Maı aýdanynyń Qaraterek aýylynda ashylǵan «Qazaq» atty sporttyq klýbtyń ashylý saltanatyna aýdan ákiminiń orynbasary Mádına Qusaıynova, aýdandyq máslıhat depýtaty Qarlyǵash Túsipova, máslıhat hatshysy Ǵıbadat Arynov jáne bir top aýyl turǵyndary qatysty.
«2019 jyl Elbasynyń bastamasymen Jastar jyly bolyp jarııalanǵany belgili. Jastardyń bul isi kópshilikke úlgi», - dedi aýdan ákiminiń orynbasary Mádına Qusaıynova.
Oblys ortalyǵynan shalǵaı ornalasqan aýylda qazirgi kezde 900-ge jýyq turǵyn bar. Onyń 100-ge jýyǵy jastar. Bul aýylda ashylyp otyrǵan tuńǵysh sport mekemesi. Endigi kezekte aýyl jastary sporttyń kez kelgen túrimen tegin jattyǵa alady. Oǵan qazaqsha kúreske arnalǵan matras, boksqa arnalǵan zattar jáne aýyr atletıkaǵa úshin temir quraldar, ziltemir, gir tastary jáne týrnık taǵy da basqa kóptegen zamanaýı qurylǵylarmen jabdyqtalǵan sport ortalyǵy múmkindik jasaıdy.
Aıta keterligi, «Qazaq» klýbyn ashýǵa qajetti qarajatty aýyldan túlep ushqan jáne aýylda áli de turyp jatqan bir top belsendi jastar jınaǵan. Jalpy klýbtyń ashylýyna 3 mıllıon teńgege jýyq qarajat jumsalǵan.