Týǵan jer: Qyzylordada jas sýretshiniń kórmesi ashyldy

QYZYLORDA. QazAqparat - Qyzylordanyń kórkemsýret galereıasynda qalanyń jas sýretshisi Dáýlet Dildabektiń «Alǵashqy qadam, tuńǵysh astanam» atty jeke shyǵarmashylyq kórmesiniń ashylý rásimi ótti, dep habarlady QazAqparat tilshisi.

Kórme «Týǵan jer» jobasy aıasynda ótkizilip otyr.

Sharaǵa Qyzylorda oblysynyń zııaly qaýym ókilderi, óner qaıratkerleri, stýdentter jáne buqaralyq aqparat quraldarynyń ókilderi men qala turǵyndary qatysty. Kórmege sýretshiniń 40-tan astam keskindemelik shyǵarmalary qoıyldy.  

Dáýlet  Dildabekuly 1988 jyly 26 qańtarda Qyzylorda oblysy Qazaly aýdanynda dúnıege kelgen. Óner mektebinde «Beıneleý óneri» páninen  muǵalim bolyp jumys istegen 2015 jyldan bastap Óner stýdııasyn, jasóspirimderge sýret úıirmelerin ashyp, osy baǵytta qyzmet etip keledi. Dáýlet - kelesheginen úlken úmit kúttirgen jas qylqalam sheberleriniń biri.  Kórme 6 qarashaǵa deıin jalǵasady.  

Aıta keteıik, Qyzylordada 6 qazannan beri «Týǵan jer» jobasy aıasynda túrli sharalar ótip jatyr.