Týǵan kúninde daýys bergen óskemendik stýdent ustaz bolýdy armandaıdy

ÓSKEMEN. QazAqparat – Óskemen qalasynda turatyn stýdent dál týǵan kúnine sáıkes kelgen saılaýda daýys berdi, dep habarlaıdy QazAqparat tilshisi.

Óskemen qalasynyń turǵyndary prezıdent saılaýynda óz tańdaýyn jasap jatyr. Onyń ishinde Amýrskaıa kóshesinde ornalasqan №79 saılaý ýchaskesine kelip jatqandar kóp. Bul ýchaskede barlyǵy 2585 adam tirkelgen.

Azamattyq ustanymyn kórsetip saılaýda alǵash daýys bergen jastarǵa estelik kádesyılar tabys etilýde. Sonyń biri – Óskemen joǵary polıtehnıkalyq kolledjiniń stýdenti Mádı Qudaıbergen. Onyń ústine búgin onyń týǵan kúni.

«Elimiz úshin osyndaı mańyzdy kúnde 20 jasqa tolyp otyrmyn. Birinshi ret saılaýda daýys berdim. Bolashaqta ustaz bolyp, memleketimizdiń damyp, órkendeýine óz úlesimdi qosqym keledi», - deıdi stýdent.

Aıta keteık, Óskemende barlyǵy 112 - ashyq jáne 10 jabyq saılaý ýchaskesi bar. Olar saǵat 20:00-ge deıin jumys isteıdi.