Týǵan balalardyń sany týraly suraq mańyzdy derekterdi qamtamasyz etedi- Nurbolat Aıdapkelov
«Bala týý týraly suraqqa jaýap alý náreste jáne bala ólimi týraly jan-jaqty tolyq málimet jınaqtaýǵa múmkindik beredi. Tiri týǵan balalardyń sany týraly suraq, bala týý týraly mańyzdy derekterdi qamtamasyz etedi. Olardy keı jaǵdaıda qandaı da bir basqa kózderden, onyń ishinde azamattyq hal aktilerin tirkeýdiń tolyq damyǵan júıesiniń ózinen alý múmkin emes. Bul suraqqa berilgen jaýaptar bala týý týraly neǵurlym tolyq aqparatty ashady. ıAǵnı, sanaqtan ótý sátindegi kózi tiri balalar týraly suraq, náreste men bala ólimi týraly mańyzdy aqparat beredi» - dedi bıýro basyshsy ortalyq kommýnıkatsııalar qyzmetinde ótken brıfıngide.
Eske salsaq, jalpulttyq sanaqtyń onlaın kezeńine qatysqan qazaqstandyqtar arasynda «Neshe bala dúnıege ákeldińiz, onyń ishinde tirisi» degen suraq qyzý talqylanǵan bolatyn.
«Áıelderge 1999 jáne 2009 jylǵy halyq sanaqtarynda da balalarynyń sany, onyń ishinde tiri týylǵandary jáne olardyń qanshasy tiri degen suraqtar qoıylǵan bolatyn. Bul suraqtarǵa jaýaptar bala týýdy baǵalaýdy esepteý jáne úlken jastaǵylardyń bala týǵyzý men bala týý qabiletiniń taýsylý deńgeıin baǵalaý boıynsha da mańyzdy aqparat beredi. Bul nátıjeler bala týýdaǵy ózgeris tendentsııasyn baǵalaýǵa negiz bolady. Halyq sanaǵynyń nátıjesi boıynsha týylǵan balalardyń jynysy boıynsha sany, týylǵan kezdegi jynystardyń arasalmaǵy, kogorttyq bala týý, týý kúntizbesi týraly derekter alynady», - dedi Nurbolat Aıdapkelov.