Týǵan anasynan da qorqady – Almaty oblysynyń ákimi ashtyqtan júdegen bala jaıly

<p>Almaty oblysynyń ákimi Marat Sultanǵazıev ashtyqtan júdep, júre almaı qalǵan 6 jasar balanyń qandaı jaǵdaıda ómir súrgenin aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Jaǵdaıdy qadaǵalap otyrmyz. Ol alǵashqy úsh jylda ózge balalar sııaqty qalypty damyǵan. Onan keıin damýy toqtaǵan. Qazirgi ýaqytta em alyp jatyr. Árıne, bul balanyń ómir súrgen jaǵdaıy óte nashar. Úıde beı-bereketsizdik, jaǵymsyz ıis, mysyq kóp. Anasy balasyna qaramaǵan. Ol bógde adamdar turmaq óziniń anasynan da qorqady. Jaǵdaıy osyndaı. Búginde dárigerler men psıhologtar jumys istep jatyr», – dedi óńir ákimi Ortalyq kommýnıkatsııalar qyzmetindegi brıfıngte Kazinform tilshisiniń saýalyna oraı.

Buǵan deıin Іle aýdanynda ashtyqtan júdeý, sóıleýge jáne júrýge murshasy qalmaǵan 6 jasar er bala anyqtalǵanyn jazǵan edik. Almaty oblystyq prokýratýrasynyń málimetinshe, balanyń ata-anasy Ákimshilik quqyqbuzýshylyq týraly kodekstiń 127-babynyń 2-bóligi boıynsha jaýapkershilikke tartyldy. Sonymen qatar qamqorshylyq organ olardyń ata-ana quqyǵyn shekteý týraly talappen sotqa júgingen.