«Týdan kıim tikken durys pa?» - respýblıkalyq basylymdarǵa sholý

ASTANA. 22 maýsym. QazAqparat - Qazaq aqparat agenttigi respýblıkalyq basylymdarda 17 tamyz, juma kúni shyqqan ózekti maqalalarǵa sholýdy usynady.

 * * *

«Egemen Qazaqstan» gazeti búgingi sanynda Japonııanyń Qazaqstandaǵy Tótenshe jáne ókiletti elshisi ıÝdjo Harada myrzamen ıadrolyq qarýsyzdaný máselesi týraly áńgime qozǵaǵan. Tilshiniń barlyq saýalyna tuşymdy jaýap bergen ol: «ıAdrolyq bombalaýdyń qasiretin bastan keshirgen el re­tinde Japonııa Prezıdent Nur­sul­tan Nazarbaevtyń Semeı ıadro­lyq synaq polıgonyn japqanyn jáne ıadrolyq qarýdan bas tartqanyn joǵary baǵalaıdy. Sonymen birge Japonııa Prezıdent N.Nazarbaevtyń Qazaqstan­ǵa denýklearızatsııa (ıadrolyq qa­rýdan tazartý) jasap qoımaı, «ıAdrosyz álem úshin» atty bas­tama kóterip, ony iske asyrý jolynda álemdik únqatysýdyń lıderi retinde kúsh-jiger jum­sap júrgenine joǵary baǵa be­redi...». Suhbat «Atom qasiretin japondyqtar jaqsy biledi» degen taqyryppen berilgen.

***

«Alash aınasy» gazetiniń jazýynsha, ótken ǵasyrdyń 80-jyldary Qazaqstannyń ózen flotynyń órkendegen dáýiri boldy. Jyl saıyn aıdyn betimen mıllıondaǵan tonna júk, júz myńdaǵan jolaýshy tasymaldanyp, ózen floty óziniń úlken múmkindigin pash etken edi. Shaǵyn kemeler, barjalar, teplohodtar Qara Ertisten Aq Jaıyqqa deıingi alyp arterııany babynda ustady. «Alaıda jaqsy bastama jalǵasyn tappaı qaldy. Aıdyn arqyly aýyr júk pen jolaýshy tasymaldaý qunynyń óte arzanǵa túsetindigine qaramastan, qazir ózen ústimen júıtkigen keme túgil, qalt-qult etken qaıyqtyń ózin sırek kórýge aınaldyq», - dep jazady basylym. Maqala «Ózen flotyn qaıtsek qalpyna keltiremiz?» degen taqyryppen berilgen.

Osy basylymda «Bizdiń jigitterge «Astana» quramyna ený arman bolyp tur» atty materıal berilgen. «Elordanyń «Astana» velokomandasy taǵy bir Italııa shabandozymen tolyqty. Buǵan deıin «Farneze Vını» komandasynyń namysyn qorǵaǵan sprınter Andrea Gýardını de jańa maýsymnan bastap, «Astananyń» aspan tústes jeıdesinde óner kórsetedi», - dep jazady gazet.

***

Keshe Aqordada Memlekettik hatshy Muhtar Qul-Muhammed tosyn usynys aıtty. Bul kúni onyń tóraǵalyǵymen, Shetelde kadrlar daıarlaý jónindegi respýblıkalyq komıssııanyń kezekti otyrysy ótken bolatyn. «Kúni keshe ǵana respýblıkalyq baspasózde bıylǵy jyly Qazaqstannyń tańdaýly joǵary oqý oryndaryna túsken, memlekettik grant alǵan talapkerlerdiń tizimi jarııalandy, - dedi jıyndy ashqan Muhtar Abraruly. - Al mine, búgin biz shet elderde oqıtyn talapty jastardyń bilim alýyna múmkindik týǵyzatyn «Bolashaq» baǵdarlamasynyń bıylǵy jylǵy talapkerleriniń tizimin qarap, olardy bekitetin bolamyz!». Memlekettik hatshy bıyl Prezıdenttik stıpendııanyń bolashaq ıegerlerin irikteý syny «erekshe ótkendigin» aıtty. «Ústimizdegi jyldyń mamyr jáne maýsym aılarynda Qazaqstannyń barlyq oblystarynda «Bo­lashaq» baǵdarlamasy boıynsha qujat tapsyratyn jastardyń ótinishi qaraldy, - dedi ol. - Sóıtip, Qazaqstannyń barlyq oblystarynda Elbasy baǵdarlamasynyń stıpendıaty atanýǵa nıettengen jastar keńinen qamtyldy. Nátıjesinde bıylǵy jyly «Bolashaq» boıynsha oqýǵa túse­tin­derdiń qatarynda elimizdiń barlyq óńir­leriniń de ókilderi bar dep nyq senimmen aıta alamyz». Osy jaıynda tolyq bilgińiz kelse «Aıqyn» gazetiniń búgingi sanyndaǵy «Bolashaqtyqtardy» jumysqa ornalastyrýmen barlyq oblys ákimderi aınalysýy tıis!» atty maqalany oqyńyz.

 «Aıqyn» basylymynyń búgingi sanynda «Týdan kıim tikken durys pa?» degen taqyryppen maqala jaryq kórdi. Kók týdan kóılek kıetinder kóbeıip keledi. Bul jaqsy ma, jaman ba, durys pa, burys pa, ázirge ol jaǵyn aıyryp jatqan eshkim joq.

Áıteýir buryn sporttyq kıimderde kezdesetin ulttyq rámizderimiz endi keshki saltanattyq úlgilerge, sahnalyq kostıýmderge kóshe bastady. «Olardyń kósh basynda Qazaqstannyń eńbek sińirgen qaıratkeri Jámıla Serkebaeva tur. Altynmen ádiptelip, kúnmen kómkerilgen qysqa kóılek symbatty skrıp­kashyǵa jaraspaıdy desek, jalǵan bolar. Sál qysqalaý pishilgeni bolmasa, anaý aıtqandaı kózge qorash kórinbeıdi. Kózdi-ashyp jumǵansha totydaı túrlenip shyǵa keletin sıqyrly arý Altynaı Baı­toqanova da týǵa oranyp, tańǵajaıyp shoý kórsetip júr. Jaqynda atyraýlyq dızaıner Janna Habıeva Lon­dondaǵy jazǵy Olımpıada oıyn­darynyń ashylýynda Qazaqstan men Ulybrıtanııa baıraǵynan tigilgen erekshe saltanatymen kózge tústi»,-dep jazady basylym.