Týberkýlezge jyl saıyn 7 myńǵa jýyq adam shaldyǵady – mınıstrlik

ASTANA. QazAqparat – Elimizde jyl saıyn 7 myńǵa jýyq adam týberkýlezge shaldyǵady. Mundaı derek Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenovanyń Májilis depýtattary saýalyna berilgen jaýabynda keltirilgen, dep habarlaıdy QazAqparat tilshisi.

«Qazaqstanda jyl saıyn ortasha eseppen týberkýlez aýrýynyń 7 myńǵa jýyq jańa jaǵdaıy tirkeledi. Sońǵy bes jylda elimizde týberkýlez boıynsha epıdemıologııalyq ahýaldyń jaqsarý úrdisi tirkelýde. Máselen syrqattanýshylyq kórsetkishi – 24, balalar arasynda – 26, ólim – 42 paıyzǵa tómendedi», - dedi Tamara Dúısenova.

Mınıstrdiń atap ótýinshe, 2021 jylmen salystyrǵanda 2022 jyldyń qorytyndysynda týberkýlezben syrqattanýshylyq kórsetkishi kovıdke baılanysty 1,4 paıyzǵa ósken. Degenmen, balalar arasynda aýrýǵa shaldyǵý – 2,3 paıyzǵa, týberkýlezden ólim-jitim 17,6 paıyzǵa tómendegen.

Degenmen, onyń málimetine sáıkes, balalar arasynda syrqattanýshylyq 2,3 paıyzǵa, al týberkýlezden ólim-jitim 17,6 paıyzǵa tómendedi.

«Sonymen birge, týberkýlezben aýyratyn adamdarǵa tegin medıtsınalyq kómektiń kepildik berilgen kólemi aıasynda medıtsınalyq kómek jáne dári-dármekpen qamtamasyz etý ambýlatorııalyq jáne statsıonarlyq deńgeılerde kórsetiledi. Osy maqsatta respýblıkalyq bıýdjetten 2023 jylǵa 41,6 mlrd teńge bólindi», - dedi mınıstr.