Tý kóterip shyǵatyn sportshy jaýapkershilikti eki ese sezinýi kerek – Ermahan Ybraıymov

<p>ASTANA. KAZINFORM &ndash; Olımpıada oıyndarynyń saltanatty ashylý rásiminde elimizdiń kók baıraǵyn kóterip shyǵatyn sportshy mindetti túrde eki ese jaýapkershilikti sezinýi kerek. Mundaı pikirdi Kazinform tilshisine eksklıýzıv suhbat bergen qazaqtyń dańqty boksshysy, 2000 jylǵy ótken Olımpıada oıyndarynyń chempıony, 1996 jylǵy Olımpıada oıyndarynyń jáne 1997, 1999 jylǵy álem chempıonattarynyń júldegeri Ermahan Ybraıymovpen bildirdi.</p>

«Tórt jylda bir keletin Olımpıada oıyndarynyń ashylý saltanatynda elimizdiń kók týyn alyp shyǵý qurmeti kez kelgen sportshyǵa buıyra bermeıdi. Onyń ózin «bul qumetke kim laıyq» dep aldyn ala tańdaıdy. Al, sol tańdalǵan sportshyǵa úlken úmit artylady. Sondyqtan Olımpıada oıyndarynda memlekettik týymyzdy alyp shyqqan sportshy ózine eki ese jaýapkershilik artylǵanyn sezinýi kerek. Men, óz basym úlken sportta júrgende qatarynan eki Olımpıadada memlekettik týymyzdy alyp shyqtym. Ekeýinde de júldemen oraldym. Qazirgi tańda Jazǵy Olımpıada oıyndarynda týdy kóterip baryp, júldemen kóterip qaıtqan jalǵyz sportshymyn. Mine, bıyl týdy alyp shyǵý qurmeti Aslanbek Shymbergenovke buıyrdy. Oǵan meniń jolymdy bersin dep tileımin. Osyǵan deıin bul baýyryma bir-eki ret jolyǵyp, aqyl-keńesimdi aıttym. Tájirıbelerimmen bólistim. Tý alyp shyǵýdyń qanshalyqty júgi baryn esinen shyǵarmaýdy tapsyrdym», - dedi Ybraıymov.

Esterińizge sala keteıik, bokstan erler arasynda el namysyn 7 boksshy qorǵaıdy. Olar – Sáken Bıbosynov (51 keli), Mahmud Sabyrhan (57 keli), Muhammedsabyr Bazarbaıuly (63,5 kg), Aslanbek Shymbergenov (71 keli), Nurbek Oralbaı (81 keli), Aıbek Oralbaı (92 keli), Qamshybek Qońqabaevtar (+92 keli). 

Aıta keteıik, Qazaqstan quramasy Olımpıada oıyndaryna sporttyń 25 túrinen 92 joldama jeńip aldy. 

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵyna belgilengen. 

Oıynǵa álemniń 205 elinen 10 500 sportshy qatysady. Onda 32 sport túrinen 329 medal jıyntyǵy sarapqa salynady.