Tszıtszınshan-ATLAS kometasy Jerge jaqyndap qaldy

<p>ASTANA. KAZINFORM &ndash; Qyrkúıek aıynyń sońynda Kúnge jaqyn ushqan C/2023 A3 Tszıtszınshan-ATLAS kometasy 12 qazanda Jerden eń az qashyqtyqta ornalasady. Aldaǵy eki-úsh apta bizdiń ǵalamsharymyzdyń Soltústik jarty sharynan aspan denesin baqylaý úshin eń qolaıly ýaqyt bolmaq, dep habarlady <a href="https://nauka.tass.ru/nauka/22096823" target="_blank" rel="noopener">TASS </a>aqparat agenttigi.&nbsp;</p>

«Soltústik jarty sharda kometany kórý úshin eń jaqsy jaǵdaı kezeńi 12 qazanda bastalady, ol kezde kometa Jerge eń jaqyn núktesi – perıgeıdiń janynan ushyp ótedi. Bul kezeń eki-úsh aptaǵa sozylady», - dep habarlady Máskeý planetarııiniń baspasóz qyzmetinen. 

Soltústik jarty shar elderinde quıryqty juldyz kún batqannan keıin shamamen bir saǵat (jergilikti ýaqyt boıynsha 18:30-dan bastap) kókjıektiń batysynda keshki aspannan kórinedi.

«Qazir astronomdar onyń jaryqtyǵyn shamamen -2 ball deńgeıinde boljap otyr, sondyqtan aspan qonaǵyn navıgatsııalyq ymyrttyń jarqyraǵan jaryǵynda da kórýge bolady», - dep túsindirdi ǵalymdar. 

C/2023 A3 Tszıtszınshan-ATLAS kometasy 2023 jyldyń 9 qańtarynda Tsuchinshan observatorııasynda (Tszytszınshan, Qyzylkúreń taý observatorııasy, Qytaı) ashyldy. Ol 2023 jyldyń 22 aqpanynda Ońtústik Afrıkadaǵy ATLAS joba teleskopy kómegimen anyqtaldy. Astronomdar ony Jerden kórinetin qatty jarqyraǵan jáne baıqaýǵa bolatyn yqtımal úlken kometa dep sıpattady. 

4-10 qazan aralyǵynda Dúnıejúzilik ǵarysh aptalyǵy atalyp ótti. Ǵarysh keńistigin belsendi ıgerý adamzat órkenıetiniń damýyna ǵana emes, ókinishke oraı, Jerge jaqyn orbıtanyń ártúrli qoqyspen lastanýyna yqpal etedi, bul ǵaryshty odan ári zertteýge qaýip tóndirip otyr.  

Kazinform úshin arnaıy TASS seriktes agenttigi usynǵan.