Tsıntsınnatı: ıÝlııa Pýtıntseva juptyq synda alǵash ret WTA 1000 jarysynyń fınalyna shyqty

<p>ASTANA. KAZINFORM &mdash; Qazaqstandyq tennısshi ıÝlııa Pýtıntseva juptyq synda Tsıntsınnatı (AQSh) WTA 1000 týrnıriniń fınalyna shyqty.&nbsp;</p>

Qazaqstandyq tennısshi kanadalyq Leıla Fernandespen birge jartylaı fınalda chehııalyq Lında Noskova – reseılik Dıana Shnaıdermen sońǵy básekeniń joldamasyn sarapqa saldy.

Qazaqstandyq-kanadalyq jup 6:3, 6:4 esebimen jeńiske jetti. Bir saǵat 16 mınýtqa sozylǵan matchta ekeýi 1 eıspen birge 11 breık-poınttyń úsheýin paıdalandy. Noskova – Shnaıder 2 eıs, 1 breıkpen (7 breık-poınt) shekteldi.

ıÝlııa Pýtıntseva – Leıla Fernandes chempıondyq ataq úshin jarystyń 3-raketkalary, amerıkalyq Aısha Mýhammad – jańazelandııalyq Erın Rýtlıfpen talasady.

D.Shnaıder Parıj Olımpıadasynda Mırra Andreevamen birge óner kórsetip, kúmis júldeger atanǵan edi.

Qazaqstandyq tennısshi juptyq synda osyǵan deıin reseılik Anna Kalınskaıamen Osaka (Japonııa) WTA 250 dodasynyń fınalyna shyqqan bolatyn. Al WTA 1000 deńgeıinde alǵash ret fınalǵa ótip otyr.

Eske sala keteıik, budan buryn ıÝlııa Pýtıntsevanyń juptyq synda Tsıntsınnatı týrnıriniń jartylaı fınalyna ótkenin jazǵan bolatynbyz.