Tsıfrlyq teńsizdikti teńestirý - EEK-tiń negizgi mindetteriniń biri

<p>ALMATY. KAZINFORM &ndash; Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev EAEO elderiniń úkimet basshylary qatysqan Digital Almaty forýmynyń otyrysynda tsıfrlyq jobalardy iske asyrý jáne komıssııanyń mindetteri týraly aıtty.</p>

Baqytjan Saǵyntaev EAEO elderi belgilengen zańnama aıasynda azamattardyń ıgiligi úshin tsıfrlandyrýdyń jańa sapasyna qol jetkizýi qajet dep sanaıdy.

«Men tsıfrlandyrý salasyndaǵy kez kelgen bastama keń maǵynada ómirlik jaǵdaıdan týyndaýy kerek dep oılaımyn. Meıli ol óndiristik protsesterdi tsıfrlandyrý bolsyn, meıli azamattardyń anyqtamalardy alýy bolsyn. Saıyp kelgende, ıntegratsııalyq úderisterdiń benefıtsıarlary – bıznes pen azamattar», - dedi ol.

Onyń aıtýynsha, memleket basshylary tsıfrlandyrýdyń negizgi baǵyttaryn anyqtap berdi. Al úkimet basshylary EAEO-ny damytýdyń 2027 jylǵa deıingi maqsatty baǵdarlamasyn bekitti. Osylaısha, strategııalyq vektor belgilendi.

«Qazirgi ýaqytta Eýrazııalyq ekonomıkalyq komıssııa, Eýrazııalyq ekonomıkalyq odaq elderimen birlesip Eýrazııalyq ekonomıkalyq odaqtyń ıntegratsııalanǵan aqparattyq júıesiniń jumys isteýin qamtamasyz etýde. Transshekaralyq senim keńistigi aıasynda G2G jáne B2G formattarynda ózara is-qımyl ornatyldy. Sondaı-aq B2B transshekaralyq ózara is-qımylyn qamtamasyz etý boıynsha jumystar júrgizilýde», - dep qosty spıker.

Baqytjan Saǵyntaev sonymen qatar tsıfrlandyrýdyń jaǵymsyz jaǵyna – tsıfrlyq teńsizdiktiń artýyna nazar aýdardy.

«Komıssııanyń mindeti – normatıvtik-quqyqtyq jáne ınfraqurylymdyq qoldaý arqyly tsıfrlyq teńsizdikti teńestirý, bıznesti damytý men transformatsııalaý úshin sheksiz múmkindikter ashý, qyzmet kórsetý sapasyn arttyrý jáne azamattardyń ómirin jaqsartý úshin jaǵdaı jasaýǵa úles qosý»,- dedi ol.