Tsıfrlyq teńge qolma-qol jáne qolma-qolsyz teńge baǵamyna áser ete me – Ulttyq bank jaýaby
Teńbe-teń
Saýal jaýabynda tsıfrlyq teńge basqa ulttyq valıýtanyń basqa nusqalarymen teńbe-teń (qolma-qol jáne qolma-qolsyz aqsha), sondaı-aq ulttyq valıýta baǵamyna áser etpeıdi. Ol Ulttyq Bank jáne ekinshi deńgeıli bankterdiń júıelerimen biriktirilgen tizilim platformasynda júzege asyrylǵan.
«Tsıfrlyq teńge – Ulttyq bank shyǵaratyn jáne mindeti sanalatyn aqsha qarajaty. Al krıptovalıýtalar aqsha bolyp sanalmaıdy. Olar boıynsha eshkimniń mindettemeleri joq jáne olar Qazaqstan Respýblıkasynda esep aıyrysý quraly retinde áreket ete almaıdy», - delingen saýal jaýabynda.
Tsıfrlyq teńgeni kimder paıdalana alady
Qazaqstandyqtar tsıfrlyq teńgeni qolma-qol jáne qolma-qolsyz aqsha sııaqty óz qalaýy boıynsha paıdalana alady. Jeke jáne zańdy tulǵalar úshin tsıfrlyq teńgege qol jetkizý (shottar ashý, tsıfrlyq teńgeni aıyrbastaý jáne satyp alý, tólemder, aýdarymdar jáne ózge de operatsııalar) qarjy naryǵyna qatysýshy bankter arqyly júzege asyrylady. Tolyq kólemde tsıfrlyq teńge 2025 jyly iske qosylady, sodan keıin oǵan barlyq nıet bildirýshi qol jetkize alady.
Qazir qalaı qoldanýǵa bolady
Tsıfrlyq teńgeniń pılottyq jobasy tsıfrlyq teńgeni shyǵarý, pılottyq topqa qatysýshy bankterdiń klıentteri arasynda tólemder júrgizý stsenarııleri bar, ol 5 bankte jumys isteıdi. Qazirgi ýaqytta Úkimetpen jáne Sybaılas jemqorlyqqa qarsy is-qımyl agenttigimen birlesip, jol qurylysynda bıýdjet qarajatyn qadaǵalaý jáne aýyl sharýashylyǵynda memlekettik qoldaý sharalary jobalary iske asyrylýda.
Tsıfrlyq teńgeniń qolma-qol aqshadan basty aıyrmashylyq nede
Tsıfrlyq teńgeniń ereksheliginiń biri tańbalaý múmkindigi, ıaǵnı baǵdarlamalaý arqyly oǵan belgili bir qasıetter berý. Osy erekshelikter arqyly memlekettik satyp alýlardaǵy esep aıyrysý tizbegi boıynsha bıýdjet qarajatynyń jumsalýyn qadaǵalaý qamtamasyz etilýi múmkin.
Buǵan deıin Qazaqstanda qosylǵan qun salyǵyn tsıfrlyq teńgemen tóleýge bolatynyn jazǵan edik.