Tsıfrlyq qyzmettiń deni halyq úshin kúrdeli – Oljas Bektenov

<p>ASTANA. KAZINFORM &ndash; Úkimet basshysy tsıfrlyq qyzmetterdi qoldaný qarapaıym halyq úshin qıyn ekenin jáne ony ońaılatý kerektigin aıtty.</p>

- Búginde azamattardyń kópshiligi jasandy ıntellekt týraly bile bermeıdi. Tsıfrlyq qyzmetterdiń deni qarapaıym halyq úshin kúrdeli. Olardy barynsha ońaılatý kerek. Tsıfrlyq damý, ınnovatsııalar jáne aeroǵarysh ónerkásibi mınıstrligine salalyq mınıstrliktermen birge qoldanystaǵy tsıfrlyq sheshimderdi odan ári jetildirýdi tapsyramyn, - dedi Oljas Bektenov Úkimettiń kóshpeli otyrysynda.

Sondaı-aq, Premer-mınıstr tsıfrlyq qyzmetti qoldanýdy halyqqa keńinen túsindirý qajettigin aıtty.

- Jasandy ıntellektini odan ári damytý úshin memlekettik organdardyń aqparattyq júıelerindegi derekter qory qoljetimdi bolýy tıis. Bul úshin biryńǵaı tásilder qajet. Osy oraıda Tsıfrlyq damý, ınnovatsııalar jáne aeroǵarysh ónerkásibi mınıstrligine múddeli memlekettik organdarmen jáne ákimdiktermen birge derekterdi jınaý, saqtaý jáne qorǵaý jumystaryn reglamentteýdi tapsyramyn. Aqparattar der kezinde berilip, ózekti ári durys bolýy tıis, - dep tolyqtyrdy O.Bektenov.

Buǵan deıin Oljas Bektenov neırondyq jeliler arqyly tótenshe jaǵdaılardy boljap, aldyn alý múmkindigi týraly aıtqan edi.