Tsıfrlyq ınklıýzııa konferentsııacy: Halyqaralyq is-shara qatysýshylaryna vıza berýdiń erekshe tártibi belgilendi
Zańnyń maqsaty – Qazaqstan Respýblıkasynyń Úkimeti men Birikken Ulttar Uıymy arasyndaǵy Tsıfrlyq ınklıýzııa jáne transformatsııa jónindegi Azııa-Tynyq muhıty mınıstrlik konferentsııasyn uıymdastyrý týraly kelisimdi ratıfıkatsııalaý. Kelisimde 2024 jylǵy qyrkúıektiń 3-5-i aralyǵynda Astana qalasynda ótýi tıis konferentsııany ótkizý merzimi men orny belgilengen.
Kelisimde mynadaı ókilderdiń nemese baıqaýshylardyń: ESKATO músheleri men qaýymdastyrylǵan músheleriniń; basqa memleketterdiń; Birikken Ulttar Uıymynyń Bas Assambleıasynan baıqaýshylar retinde konferentsııalarǵa qatysýǵa turaqty shaqyrýlar alǵan uıymdardyń; Birikken Ulttar Uıymynyń mamandandyrylǵan jáne aralas mekemeleriniń; basqa da úkimetaralyq uıymdardyń; Birikken Ulttar Uıymynyń úkimetaralyq organdarynyń; úkimettik emes uıymdardyń; Birikken Ulttar Uıymy hatshylyǵynyń laýazymdy adamdarynyń; Birikken Ulttar Uıymy shaqyrǵan basqa adamdardyń qatysýy kózdeledi.
Sonymen qatar kelisimge sáıkes vıza berýdiń erekshe tártibi belgilenedi. Joǵaryda atalǵan barlyq adam Qazaqstanǵa kedergisiz kirýge jáne shyǵýǵa quqyly bolady. Vızalar men kirýge ruqsat qajet bolǵan jaǵdaıda tegin, óte qysqa merzimde jáne konferentsııa ashylǵanǵa deıin eki aptadan keshiktirilmeı beriledi.
Kelisimge sáıkes Qazaqstan Úkimeti beıresmı otyrystar ótkizýge arnalǵan konferents-zaldardy, konferentsııalyq qyzmettik úı-jaılardy, jumys úı-jaılaryn jáne basqa da tıisti úı-jaılardy qosa alǵanda, qajetti úı-jaılardy beretin bolady.
Sonymen qatar:
- tótenshe jaǵdaılar týyndaǵan kezde konferentsııaǵa qatysýshylarǵa alǵashqy kómek kórsetý úshin qajetti medıtsınalyq qyzmet kórsetý;
- kólikpen qamtamasyz etý;
- kez kelgen aralasýdy boldyrmaıtyn qaýipsizdik pen tynyshtyq atmosferasynda konferentsııanyń tıimdi jumys isteýi úshin polıtsııa kúzeti jáne basqalarmen qamtamasyz etý kózdelgen.