Tsıfrlyq damý vıtse-mınıstri Bıshimbaevpen seriktestigi týraly: Qazir ol restobardyń quryltaıshysy emespin

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstriniń birinshi orynbasary Qanysh Tóleýshın nekedegi áıelin óltirgeni úshin sottalǵan eks-mınıstri Qýandyq Bıshimbaevpen bıznes seriktestigi týraly pikir bildirdi.</p>

«Men memlekettik qyzmetke bıznesten kelgen adammyn. Sondyqtan túrli jobalarǵa ınvestıtsııa saldym. Onyń ishinde siz aıtyp turǵan joba da bar. Qazir ol jobada quryltaıshy emespin.  Qýandyq Bıshimbaevpen qarym-qatynas týraly aıtsam, eshqandaı baılanysym joq. Biz bárimiz «Bolashaq» baǵdarlamasynyń túlekteri retinde jobalarymyz týraly málimetti ózara bólisip, udaıy kezdesip otyramyz. Sondyqtan osy baǵdarlama túlekteri retinde aralasamyz. Bizdi baılanystyratyn jalǵyz osy joba shyǵar. Sondyqtan, taǵy da qaıtalap aıtam, ol nysanda qazir quryltaıshy emespin», - dedi vıtse-mınıstr Májilis otyrysynan keıin BAQ ókilderiniń saýalyna bergen jaýabynda.

«Ol nysandaǵy quryltaıshylǵyńyzdy kisi ólimi bolǵannan keıin joıdyńyz ba?» - dep surady jýrnalıst.

Qanysh Tóleýshın bul odan buryn josparlanǵan qadam edi degendi aıtty.

«Men memlekettik qyzmetke aýysýdy josparlap júrgendikten aktıvterimniń kóbin otbasymyz bolyp sattyq. Sondyqtan quryltaıshylyqtan shyǵý máselesi onyń aldynda josparlanǵan», - dedi ol.