Tsıfrlyq damý mınıstri turǵyndardyń radıofobııasyna pikir bildirdi

<p>Іri qalalardy sapaly ınternetpen qamtamasyz etý máselesine arnalǵan zańnama normalary engizilip jatyr. Bul týraly Jibek Joly telearnasynyń &laquo;Ýáde&raquo; baǵdarlamasyna suhbat bergen Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

 «Internetke qatysty másele bizde ǵana emes, barsha álemde bar. Jalpy, turǵyndardyń radıofobııasy barlyq deńgeıde baıqalyp otyr. Máselen, Astananyń ózinde baılanys sapasynyń nasharlyǵy baıqalǵan 67 oryn anyqtaldy. Qazir sonyń 15-i boıynsha másele tolyq sheshildi. 20-synda tıisti jumys atqarylyp jatyr. Sonymen qatar, taǵy biraz bóligi boıynsha tıisti kelisimsharttardy rásimdeýge kelisim bar. Alaıda 5 turǵyn úı kesheninde radıofobtar ózderi turatyn úıde bazalyq stansany ornatýǵa qarsylyq tanytyp jatyr», - dedi B. Mýsın.

Onyń sózine qaraǵanda, buny sheshý úshin tıisti zań normalaryna túzetý engizý máselesi Parlament depýtattarymen birge talqylanyp jatyr.

Osy oraıda ınternet barlyq úıde bolýy kerek degen qaǵıdat eskerilgen.

«Biraq buǵan qarsylyq tanytatyndar bar. ıAǵnı «turǵyn úı – ol jekemenshik nysan, sondyqtan ony turǵyndardyń ózi sheshýi kerek» degen ýáj aıtylady. Osy baǵytta turǵyndarǵa túsindirip jatyrmyz. Tıisti qujatty depýtattardyń qaraýyna engizdik. Zań jobasyn bir top depýtattarmen birlese ilgeriletip jatyrmyz. Jyl sońyna deıin zańǵa qol qoıylsa, bul saladaǵy másele tolyqtaı sheshiledi», - dedi mınıstr.