Tsıfrlandyrý mınıstrliginiń ókili WeChat týraly: Túbinde biz de soǵan keletin shyǵarmyz

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy Rýslan Ábdiqalyqov ortalyq kommýnıkatsııalar qyzmetinde ótken baspasóz máslıhatynda&nbsp;&nbsp; Whatsapp, Telegram messendjerlerindegi alaıaqtyqty shekteý týraly pikir bildirdi.</p>

«Messendjerlerden týyndaıtyn problemalar shynymen ózekti. Ózim de apta saıyn osyndaı jaıttarǵa tap kelemin. Tipti mınıstr men vıtse-mınıstrler atynan qandaı dap bir tapsyrma jiberetin jaıttar bolady. Problemanyń astarynda ne jatyr. Bárimiz sheteldik messendjerlerdi qoldanamyz. Sáıkesinshe, sol Whatsapp, Telegram-nyń ákimshiligine júginbesek, jaǵdaı ózgermeıdi. Óıtkeni Telegram-ǵa da, WhatsApp-qa da klıentterdiń bir-birin aldap jatqany másele emes. Biz árbir habarlasqan akkaýnttyń artynda naqty adam, naqty abonent bolǵanyn talap etýimiz kerek. Ondaı talap Telegram-da da, Whatsapp-ta da qarastyrylmaǵan», - dedi ol.

Komıtet basshysy bul turǵyda Qytaıdyń tájirıbesin sátti dep esepteıtinin aıtty.

«Qytaıdyń WeChat messenjerinde bir akkaýntqa tek bir nómir, bir ǵana adam tirkele alady. Onyń ústine WeChat klıenti bolý úshin qujattaryńdy túgel kórsetý kerek. Seniń shyn adam ekenińdi basqa eki adam rastap, kepildik etýi qajet. Túptiń túbinde biz de osyǵan keletin shyǵarmyz. Biraq azamattar túsiný kerek, máseleniń bir jaǵynda qaýipsizdik tursa, ekinshi jaǵynda adam quqyǵy tur. Azamattar ınternettegi anonımdiligimen qoshtasýǵa daıyn ba? Muny da umytpaý kerek. Kez kelgen qaýipsizdik talabyn kúsheıtý sharasy ınternettegi anonımdilik quqyǵymyzdy shekteıdi. Oǵan qoǵam daıyn bolsa, messendjer ıelerine talap eteıik», - dedi Rýslan Ábiqalyqov.