TShO-dan Gaz aıyrý qondyrǵysyn salýǵa jer ýchaskesin alý úshin jarııa servıtýt belgilendi
«Gaz aıyrý qondyrǵysy qurylysy» jobasyn júzege asyrýǵa arnalǵan jer ýchaskesi «Teńizshevroıl» JShS-niń kelisimshart aýmaǵyndaǵy taý-ken burý shekarasyndaǵy Teńiz ken ornynda ornalasqan. Bul ýchaske 1993 jylǵy Jer qoınaýyn paıdalaný kelisim aıasynda jerdi ýaqytsha paıdalaný quqyǵymen TShO-ǵa tıesili», - dep atap ótedi Úkimet basshysy jaýabynda.
Premer-Mınıstrdiń atap ótýinshe, bul rette «Gaz aıyrý qondyrǵysy qurylysy» jobasynyń jobalyq-smetalyq qujattamasyn ázirleý, sondaı-aq bolashaq zaýytty salý jáne iske qosý kezeńinde tıisti nysanaly maqsaty bar jer ýchaskelerine quqyq belgileıtin qujattardy alý qajet.
«Degenmen, kelissózder barysynda TShO kelisim aýmaǵynyń bir bóligin jer qoınaýynsyz berýge kelisim bildirdi. Sebebi, ol kómirsýtek keni taraǵan shekte ornalasqan. Osyǵan baılanysty quziretti memlekettik organdar atalǵan máseleni sheshýdiń túrli joldaryn, onyń ishinde Jer kodeksin ózgertýler engizýdi pysyqtady. Talqylaý qorytyndysynda ákimdiktiń tıisti qaýlysyn ázirleý jolymen Gaz aıyrý qondyrǵysyn salýǵa jer ýchaskesin alý úshin jarııa servıtýt belgileý ońtaıly nusqa boldy», - dedi Álıhan Smaıylov.