Tselınograd aýdanyna jańa ákim taǵaıyndaldy

<p>KÓKShETAÝ. KAZINFORM — Aqmola oblysy ákiminiń ókimimen Prezıdent Ákimshiligi jáne aýdandyq máslıhat depýtattarynyń kelisimi boıynsha Daryn Sabyrǵalı Tselınograd aýdanynyń ákimi bolyp taǵaıyndaldy.</p>

Aqmola oblysy ákimdiginiń baspasóz qyzmetiniń málimetinshe, aýdannyń jańa basshysyn oblys ákimi Marat Ahmetjanov tanystyrdy.

Daryn Sabyrǵalıuly 1986 jyly Almaty qalasynda týǵan.

Qazaq gýmanıtarlyq zań ýnıversıtetin bitirgen.

Eńbek jolyn 2010 jyly Astana qalasynda «Astana Avtokom Invest» JShS basqarýshy dırektory bolyp bastady.

2015-2017 jyldary Aqmol aýyl okrýgi ákiminiń orynbasary, Tselınograd aýdany ákimi apparatynyń basshysy qyzmetterin atqardy.

2017-2020 jyldary Aqmola oblysy ákiminiń, Shortandy aýdany ákiminiń apparattarynda jumys istedi, «G-Global» halyqaralyq hatshylyǵy qaýymdastyǵynyń keńesshisi boldy.

2021 jyldyń mamyrynan 2024 jyldyń sáýirine deıin Qorǵaljyn aýdany ákiminiń orynbasary qyzmetin atqardy.

Sáýir aıynan bastap Aqmola oblysy Kásipkerlik jáne ónerkásip basqarmasy basshysynyń orynbasary bolyp jumys istedi.

Aıta ketsek, budan buryn Aqmola oblysy ákiminiń orynbasary taǵaıyndalǵanyn jazǵan edik.