Tselınograd aýdany ákimi apparatynyń basshysy taǵaıyndaldy

<p>ASTANA. KAZINFORM — Óńirlik kadr rezerviniń múshesi Tselınograd aýdanynyń ákimi apparatynyń basshysy laýazymyna taǵaıyndaldy, dep habarlaıdy Aqmola oblysy ákimdiginiń baspasóz qyzmeti.</p>

Óńirlik kadr rezerviniń múshesi Daýt Dáýlet Oraluly Aqmola oblysy Tselınograd aýdanynyń ákimi apparatynyń basshysy laýazymyna taǵaıyndaldy.

Dáýlet Daýt 1996 jylǵy 11 qazanda Kókshetaý qalasynda týǵan.

2018 jyly L. N. Gýmılev atyndaǵy Eýrazııa ulttyq ýnıversıtetin «Kólik, kólik tehnıkasy jáne tehnologııalary» mamandyǵy boıynsha bitirdi.

Eńbek jolyn 2019 jyly Qazaqstan Respýblıkasynyń Ulttyq ekonomıka mınıstrliginde sarapshy laýazymynan bastaǵan.

2021-2023 jyldary aralyǵynda mınıstrliktiń ekonomıka salalaryn damytý departamenti salalardy ınstıtýtsıonaldyq damytý basqarmasynyń bas sarapshysy laýazymynda qyzmet etti.

2023 jyldan bastap búgingi kúnge deıin Qazaqstan Respýblıkasy Ulttyq ekonomıka mınıstrligi Ekonomıka salalaryn damytý departamenti salalardy ınstıtýtsıonaldyq damytý basqarmasynyń basshysy laýazymynda qyzmet atqaryp keldi.

Eske salsaq, buǵan deıin Ulytaý oblysynda eki basqarmanyń basshysy aýysty.