TsAHAL «Hezbolla» jetekshisiniń murageri óltirilgenin rastady

<p>ASTANA.KAZINFORM &mdash; Izraıl áskerıleri úsh apta buryn Beırýtke jasalǵan soqqy kezinde Hashem Safıeddın óltirilgenin habarlady. Ol buǵan deıin óltirilgen &laquo;Hezbolla&raquo; jetekshisi Hasan Nasrallanyń izbasary bolýy múmkin, dep jazady <a href="https://t.me/bbcrussian/71931" target="_blank" rel="noopener">BBC</a>.</p>

— Izraıl qorǵanys kúshteri «Hezbolla» atqarýshy keńesiniń basshysy Hashem Safıeddın men toptyń barlaý shtabynyń qolbasshysy Alı Hýseın Hazımanyń «Hezbollanyń» basqa qolbasshylarymen birge óltirilgenin rastaı alady. Terrorıster shamamen úsh apta buryn Dahııa aımaǵynda bolǵan soqqy kezinde joıyldy. Izraıl qorǵanys kúshteri «Hezbollanyń» joǵarǵy qolbasshylaryna jáne Izraıl azamattaryna qaýip tóndiretinderdiń barlyǵyna qarsy operatsııalardy jalǵastyrady, -delingen TsAHAL málimdemesinde.

Qazan aıynyń basynda Izraıl premer-mınıstri Bınıamın Netanıahý «Hezbolla» basshylarynyń joıylǵanyn habarlady, biraq ol olardyń atyn atamady.

Onyń aıtýynsha, Izraıl qaýipsizdik kúshteri Nasrallanyń muragerin, sondaı-aq top «murageriniń muragerin» óltirgen.

Qazannyń 3-inen 4-ine qaraǵan túni Beırýttiń ońtústik shetindegi Rafık Harırı halyqaralyq áýejaıy aımaǵyndaǵy «Hezbolla» nysandaryna birqatar soqqy jasaldy.

Sodan keıin shabýyldyń nysanasy Nasrallanyń nemere aǵasy Hashem Safıeddın bolýy múmkin ekeni habarlandy.