TRT Avaz telearnasy «Qazaqstan barysy» týrnırin tikeleı efırden kórsetedi

NUR-SULTAN. QazAqparat - Qazaqstan astanasy Nur-Sultanda bıyl onynshy ret uıymdastyrylǵaly otyrǵan qazaq kúresinen «Qazaqstan barysy» týrnıri 4 shilde kúni tikeleı efırde TRT AVAZ telearnasynda kórsetiledi, dep habarlaıdy QazAqparat.

«Qazaqstan barysy» kúres týrnırinde chempıon bolý úshin kilemge shyǵatyn 37 balýan «Altyn tuıaq», «Altyn belbeý jáne «Qazaqstan chempıony» ataqtary úshin kúresetin bolady. Qazaqstannyń úzdik balýandary Aıbek Nuǵymarov, Muhıt Tursynov jáne Elaman Erǵalıev qatysatyn týrnır tikeleı efırde TRT AVAZ ekrandarynan kórsetiledi.

«Qazaqstan barysy» tek Qazaqstanda ǵana emes, búkil Túrki áleminde de úlken qyzyǵýshylyq týdyratyn jarys. Týrnır 2011 jyldan beri qazaq eliniń ulttyq qundylyqtaryn dáripteý, ulttyq sport túri - Qazaq kúresin nasıhattaý, jastardy sportqa baýlý maqsatynda uıymdastyrylyp keledi.

Qazaqstan, Qyrǵyzstan, Ózbekstan, Ázerbaıjan, Túrikmenstan men Tájikstan elderi oryn tepken Ortalyq Azııa elderi men Túrki áleminiń mádenı dástúrin jalǵastyryp kele jatqan elderge efır taratatyn TRT AVAZ bul baıraqty básekeni barsha Túrki álemine tikeleı efır arqyly kórsetedi.

«Qazaqstan barysy» 4 shilde, jeksenbi kúni saǵat 10.00-de TRT Avaz-da.