Tirek jáne magnıttik mektepter jumysyn uıymdastyrýdy zańdastyrý qajet – Tamara Dúısenova

<p>AQTÓBE. KAZINFORM &ndash; &laquo;Aqtóbe oblysynda shaǵyn jınaqty aýyl mektepteriniń áleýetin damytý&raquo; pılottyq jobasynyń alǵashqy jyly qorytyndylandy. QR Premer-mınıstriniń orynbasary Tamara Dúısenova normatıvtik-quqyqtyq aktilerdi engizý, bilim berý ádistemesin bir júıege keltirý, tsıfrlyq platformalar men elektrondy oqýlyqtardy zaman talabyna saı etýdi mindetin júktedi.&nbsp;</p>

Aqtóbe oblysynda aýyldaǵy shaǵyn jınaqty mektep balalarynyń bilim sapasyn arttyrý úshin pılottyq joba iske asyryldy. Sebebi PISA halyqaralyq zertteý nátıjesine qaraıtyn bolsaq, shaǵyn jınaqty mektepte oqyǵan balalardyń bilimi jalpy bilim beretin mektep oqýshylarymen salystyrǵanda 1 jylǵa tómen bolyp shyqty. Aqtóbedegi respýblıkalyq semınarǵa qatysqan QR Premer-mınıstriniń orynbasary Tamara Dúısenova osy dáıekti mysalǵa keltirip, óńirdegi jobanyń múmkindikterin qarap shyqty.

– Shaǵyn jınaqty mektep - álemdegi úlken problema. Sebebi bala sany óte az, ortalyqtan shalǵaı ornalasqan. Materıaldyq-tehnıkalyq jaǵdaıy, ınterneti, pánnen sabaq beretin muǵalimniń az bolýynyń ózi bilim sapasyna keri áserin tıgizedi. Bizdegi pılottyq jobanyń basty maqsaty - teńdik jáne ádildik. Oǵan qol jetkizý úshin úsh faktor aldan shyqty. Birinshiden, quqyqtyq-normatıvtik aktini retke ketirý. Ol úshin bizde mınıstrliktiń buıryǵy jáne oblys ákiminiń ókimi boldy. Ekinshiden, qarjylandyrý. Tozyǵy jetken mektepke ádemi jabdyqty qoıý úshin bilim ordasyn jóndedik. Oǵan oblystyq bıýdjetten 1,8 mlrd teńge qarjy bólindi. Qarjy 134 shaǵyn jınaqty mektep pen 12 aýdan ortalyǵynda ornalasqan 12 tirek mektepke jumsaldy. Sonymen birge jergilikti bıýdjet esebinen 150 mln teńge bólinip, jyldamdyǵy tómen nemese tehnıkalyq múmkindigi joq mektepterde ınternet máselesi sheshildi. Úshinshiden, oblysta úzdik muǵalimder anyqtaldy. Úzdik mektep-gımnazııa, mektep-lıtseıdiń muǵalimderi negizgi jumysymen qatar qosymsha júkteme alyp, jobaǵa atsalysty. Olarǵa 30 paıyzdyq ústemeaqy tólendi, - dedi Aqtóbe oblystyq bilim basqarmasynyń basshysy Jaıyq Sultan. 

Foto: Aqtóbe oblysynyń ákimdigi

«Aýyldaǵy tirek mekteptiń áleýmetin arttyrý», «Shaǵyn jınaqty mektepterdiń áleýetin tsıfrlyq tehnologııalardy paıdalanyp arttyrý» jobalaryna Aqtóbeden 146 mektep qatysty. Ár aýdanda bir tirek mektepten jasaqtaldy. Janyna shaǵyn mektepter jınalyp, tirek mektepter resýrstyq ortalyqqa aınaldy. 

– Modeldiń erekshelikterine qaraı 8-den 12 paıyzǵa deıin balanyń bilim sapasy, deńgeıi ósti. Ony syrtqy monıtorıg arqyly baqyladyq. Tirek mektepterde 30-32 kabınet, shaǵyn jınaqty mektepterde eki kabınetten jańartyldy. Myńnan astam pedagog oqytylyp, 200-ge jýyq mektep basshysy biliktiligin kóterdi,- dedi Bilim berý salasyn turaqty damytý qorynyń dırektory Danııar Toqtarbaev. 

Aqtóbe oblysy bul baǵyttaǵy jumysty ári qaraı jalǵastyrady. Oblys ákimi Ashat Shaharov bıýdjettiń 60 paıyzy osy salaǵa jumsalatynyn aıtyp, jumysty jalǵastyrýǵa ýáde berdi. 

– Aqtóbe oblysynyń jobasyn qorytyndyladyq. Biraq sheshilýi kerek máseleler bar eken. Oqý-aǵartý mınıstrligi joba aıasynda normatıvtik máselerdi sheshý jolyn qarastyrýy kerek. Qajet jaǵdaıda normatıvtik aktilerge ózgeris engizýdi uıymdastyramyz. Tirek mektepterdi zańdastyrý kerek ekeni jóninde de aıtyldy. Tsıfrlyq tehnologııaǵa baılanysty qujattardy da qaıta qaraýymyz kerek. Ásirese tsıfrlyq platformalarǵa, elektrondy oqýlyqtarǵa qoıylatyn talaptar zaman talabyna saı jetildirilýi qajet. Sebebi ár oblysta ártúrli ádisteme bar. Bir standartta jumys isteýdi qarastyrý qajet. Shaǵyn jınaqty mektepterdiń áleýetin odan ári damytýǵa áser etetin faktorlardy anyqtaý úshin zertteýler júrgizýdi uıymdastyrýymyz, - dedi QR Premer-mınıstriniń orynbasary Tamara Dúısenova. 

Foto: Aqtóbe oblysynyń ákimdigi

Al, «Qazaqstan halqyna» qory basqarma tóraǵasynyń orynbasary Lázzat Shyńǵysbaeva muny mekteptiń materıaldyq-tehnıkalyq bazasyn kóterý emes, basqa mektepterge tirek bolatyn ádisteme ortalyǵy dep qaraýdy usyndy. 

Eske salsaq, byltyr Aqtóbede shaǵyn jınaqty mektepterdi damytý pılottyq jobasy qolǵa alyndy.