Travmatıkalyq qarýy bar mopedshi ustaldy

<p>ALMATY. KAZINFORM &ndash; Almatyda &laquo;Býran-128&raquo; patrýldik polıtsııasynyń ekıpajy keń aýqymdy reıd barysynda Abaı dańǵyly men Baıtursynov kóshesiniń qıylysynda moped júrgizýshisin ustady.</p>

«Ol jol qozǵalysy erejelerin óreskel buzyp, ınspektorlardyń nazaryn aýdardy. Odan ári atys qarýyn zańsyz saqtaý deregi anyqtaldy. Saraptamanyń qorytyndysyna sáıkes, másele atýǵa jaramdy «OSA» travmatıkalyq tapanshasy týraly bolyp otyr. Bostandyq aýdandyq Polıtsııa basqarmasy zańsyz qarý saqtaý deregi boıynsha sotqa deıingi tergeýdi bastady. 33 jastaǵy moped júrgizýshisiniń qarý ustaýynyń shynaıy sebebi tergeý barysynda anyqtalatyn bolady», - dedi Almaty qalasy PD JPQB patrýldik polıtsııa polkiniń komandıri, polıtsııa maıory Mıhaıl Kan.

Aıta keteıik, QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.

Eske salaıyq, buǵan deıin Qonaev qalasynda atys bolyp, polıtsııa kúdiktilerdi izdep jatqanyn jazǵan edik.