Transulttyq kompanııa ónimin tıegen myńynshy poıyz Qorǵas arqyly arqyly Qytaıdan Eýropaǵa tranzıttik baǵdarmen ótti
Hewlett Packard (HP) ónimderin tıegen 40 fýttyq 41 konteınerlik vagondy jyljymaly quram merekelik poıyzy 1-jeltoqsanda Altynkól stantsııasy jáne «Qorǵas-Shyǵys qaqpasy» AEA arqyly Qytaıdan Eýropaǵa tranzıttik baǵdarmen ótti. Kedendik resimdeý men 1 520 joltabanyna aýystyrý 55 mınýtta atqaryldy. Poıyzdy Brest stantsııasynan Eýropaǵa jóneltý úshin qaıta tıelýi 7 jeltoqsanǵa josparlanyp otyr.
«Klıentterdiń atalmysh baǵdardy tańdaýyna «Qorǵas-Shyǵys qaqpasy» AEA qurǵaq porty usynatyn 1 520 joltabanyndaǵy qyzmetinde ınfraqurylymynyń damyǵandyǵy, sapaly logıstıkalyq qyzmet kórsetilýi sebep bolyp otyr», - deıdi «KTZ Express» AQ prezıdenti Dıas Ysqaqov.
Boljam boıynsha, 2017 jyly josparly túrde 100 paıyzdyq kólemge kóship, Qytaıdan shyǵatyn taýarlardy Eýropaǵa «Qorǵas-Shyǵys qaqpasy» AEA qýatyn paıdalanyp, Altynkól shekaralyq stantsııasy arqyly ótkizý josparlanýda. Atap óterligi, Qazaqstan, Reseı, Belarýs temir jol basshylarynyń sońǵy birlesken kezdesýinde jyljymaly quramnyń jyldamdyǵyn táýligine 1 150 shaqyrymǵa jetkizý kózdeldi.Búgingi tańda BKLK negizgi baǵdaryndaǵy temir jol ınfraqurylymy 2016 jylǵy kórsetkishten 3-4 ese kóp júkti kedergisiz alyp ótýdi qamtamasyz ete alady.
EO pen QHR shekaralyq termınaldarynyń da osynshalyqty júkterdi ótkizýge áleýeti jetkilikti.
BKLK birinshi vıtse-prezıdenti Erjan Jákishevtiń aıtýynsha, taıaý bolashaqta tapsyrys ıelerine 1520 joltabandy jańa tranzıttik ınfraqurylym jetkizilimi usynylady. Bul óz kezeginde BKLK temir jol baǵdaryna qyzyǵýshylyqty kóterip, 2025 jyldary tasymaldaý kólemin 1 mıllıon TEU tonnaǵa jetkizýge bolady.
Búgingi tańda «KTZ Express» AQ seriktesterimen birlesken túrde 17 turaqty konteınerlik baǵdarǵa operatorlyq qyzmet kórsetedi. Lıanıýngan portynan basqa Chýntsın, Chjenchjoý, Ýhan, Chendý, Sıan, Iý, Hefeı, Lanchjoý qalalarymen de seriktestik jolǵa qoıylǵan. Qazirgi kezde kompanııanyń qyzmetin Hewlett-Packard, Acer, Huawei, Foxconn, Toshiba basqa da iri transulttyq kompanııalar tutynýda.
Aıta keterligi, «Birlesken kólik-logıstıkalyq kompanııasy» AQ 2014 jyly 13 qarashada quryldy. Ony qurýǵa Eýrazııalyq ekonomıkalyq odaǵynyń - Qazaqstan, Reseı, Belarýs elderiniń temir jol ákimshilikteri qatysty.
BKLK 2012 jylǵy 31 mamyrdaǵy Biryńǵaı ekonomıkalyq keńistik (BEK) júıesiniń kólik logıstıkalyq júıesin damytý týraly memorandým men 2013 jylǵy 29 mamyrdaǵy Joǵary Eýrazııalyq ekonomıkalyq keńestiń oǵan qatysýshy elderdiń kólik-logıstıkalyq tranzıttik áleýetin júzege asyrý týraly sheshimimen júzege asyryldy.