Transtelekomnyń keıbir abonentteri nege ınternetsiz qaldy

ASTANA. QazAqparat – «Transtelekom» aktsıonerlik qoǵamy keıbir abonentterdiń ýaqytsha ınternetsiz qalýynyń sebebin túsindirdi, dep habarlaıdy QazAqparat tilshisi.

«Aqparattyq qaýipsizdikke baılanysty qaýipti azaıtý maqsatynda júıelerdi jańartý jumystary júrgizilip jatyr. Osy oraıda, «Transtelekom» AQ keıbir abonentteriniń ınternet qyzmetine qoljetimdiligi shekteldi. Qyzmet 18 qarashada saǵat 11:00-de qalpyna keltirildi. Internet jumys istep tur. Týyndaǵan qolaısyzyq úshin keshirim suraımyz», - delingen kompanııa habarlamasynda.

Eske sala ketsek, QR Tsıfrlyq damý jáne aeroǵarysh ónerkásibi mınıstri Baǵdat Mýsın otandyq ınternet jumysyndaǵy aqaýlar týraly pikir bildirgen edi.

Sondaı-aq, Qazaqstan ınternet jyldamdyǵy boıynsha Reseıden jáne OA-nyń barlyq elderinen ozyp tur.