Transparency Kazakhstan eldegi sybaılas jemqorlyqqa qarsy sharalardy joǵary baǵalaıdy

ASTANA. QazAqparat - Almatyda QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaevtyń Transparency Kazakhstan qamqorshylyq keńesiniń quryltaıshylary jáne múshelerimen kezdesýi ótti, dep habarlaıdy «QazAqparat» HAA.

Іs-sharany ashqan Agenttik tóraǵasynyń orynbasary Memleket basshysynyń saıası erik-jigeri men bastamalary, sondaı-aq qoǵamdyq uıymdarǵa, bıznes-qaýymdastyqtarǵa qatysýy jáne Qazaqstan azamattaryna qoldaý kórsetýiniń arqasynda sybaılas jemqorlyq deńgeıin tómendetý boıynsha mańyzdy qadamdar jasaǵanyn atap ótti.

Qamqorshylyq keńesi quryltaıshylarynyń pikirinshe, Transparency Kazakhstan strategııasy men kózqarasy ýákiletti organnyń ustanymymen sáıkes keledi. Agenttik sybaılas jemqorlyqqa qarsy kúreste memlekettiń, qoǵamnyń jáne bıznestiń kúsh-jigerin biriktiretin ashyq jáne transparenttik prıntsıpterine negizdelgen memlekettik organ bolyp tabylady.

Іs-shara barysynda memlekettik apparat qyzmetiniń tıimdiligin arttyrýǵa baǵyttalǵan birqatar usynystar men keńester aıtyldy.

Máselen, qamqorshylyq keńestiń músheleri memlekettik qyzmetkerlerge arnalǵan beıdjderdi qoldaný arqyly olardyń jaýapkershiligin edáýir arttyrýǵa bolady dep sanaıdy.

Kezdesýge qatysýshylar memlekettik qyzmetshilerdiń kiristerin, aktıvteri men múlikteriniń qatynasy týraly deklaratsııalaý protsedýralaryn jedel engizý qajettigin atap ótti.