Transkaspıı halyqaralyq kólik dálizi boıynsha aýqymdy jumys júrgizilýde – SІM

ASTANA. QazAqparat – BAQ ókilderiniń qatysýymen ótken brıfıngte Syrtqy ister mınıstriniń orynbasary Roman Vasılenko Transkaspıı halyqaralyq kólik baǵytyn damytý jónindegi jumystardy baıandady, dep habarlaıdy QazAqparat tilshisi.

«Keıingi ýaqytta bizdiń azamattarymyz Transkaspıı halyqaralyq kólik baǵyty týraly jıi estip júrgeni belgili. Ony damytý boıynsha aýqymdy jumys júrgizilýde. Osy jyldyń mamyr aıynda Almatydaǵy Ortalyq Azııa - Eýropalyq odaq ekinshi ekonomıkalyq forýmy aıasynda Eýropalyq qaıta qurý jáne damý bankiniń Transkaspıı halyqaralyq kólik baǵytyn baǵalaý boıynsha zertteý qorytyndylarynyń tusaýkeseri kútilýde. Sodan keıin Eýropalyq odaqpen jáne basqa da múddeli seriktestermen birlesken jobalardy dereý iske asyramyz dep úmittenemiz», - dep atap ótti Syrtqy ister mınıstriniń orynbasary.

Brıfıng barysynda Roman Vasılenko aımaqtaǵy geosaıası jaǵdaıǵa baılanysty kóptegen eýropalyq kompanııalar bizdiń elge kelýge nıet bildirip jatqanyn aıtty.

Sonymen birge mınıstrdiń orynbasary byltyr Qazaqstan men Eýropalyq odaq arasyndaǵy ózara taýar aınalymy 27,6%-ǵa ósip, 40 mlrd dollarǵa jetkenin atap ótti.