Transkaspıı dálizi Eýropa men Ortalyq Azııa baılanysyn keńeıtedi - Chernetskıı

<p>ASTANA. KAZINFORM &ndash; Eýroparlament depýtaty Rychard Charnetskıı (Polsha) <a href="https://www.dailysabah.com/opinion/op-ed/middle-corridor-enhancing-central-asia-eu-collaboration" target="_blank" rel="noopener">Daily Sabah</a> gazetine maqala jazyp, onda Transkaspıı dálizi týraly óz kózqarasyn aıtty, dep habarlaıdy Kazinform.&nbsp;</p>

«Jahandyq baılanystardy damytý kontekstinde Transkaspıı dálizi Ortalyq Azııany Eýropalyq Odaqpen strategııalyq baılanystyratyn ınfraqurylymdyq joba retinde ortalyq oryndy alady. Taýarlardyń tranzıtin 15 nemese odan az kún ishinde qamtamasyz etýge baǵyttalǵan bul dáliz – EO-nyń Jahandyq portal bastamasy arqyly Ortalyq Azııa aımaǵymen baılanystardy nyǵaıtýǵa saıası jáne operatsııalyq mindettemesiniń kýási», - dep jazdy R.Charnetskıı.

Onyń pikirinshe, taýarlardyń 15 nemese odan az kún ishinde tranzıtin qamtamasyz etýge baǵyttalǵan bul dáliz EO-nyń Jahandyq portal bastamasy arqyly Ortalyq Azııa aımaǵymen baılanystardy nyǵaıtýǵa saıası jáne operatsııalyq mindettemesiniń kýási sanalady.

Sondaı-aq, Eýroparlament depýtaty EO Transkaspıı kólik dálizinde úılestirilgen ınvestıtsııalardy júzege asyrýǵa serpin berýge umtylyp jatqanyn jazǵan. Bul naqty merzimderi men qarjylyq mindettemeleri bar jobalardy júzege asyrý úshin ınvestorlardy jumyldyrýdy qamtıdy.

Sonymen qatar, eýrodepýtattyń pikirinshe, ınfraqurylymǵa ınvestıtsııa qajettiligi 18,5 mlrd eýrony quraıdy. Olar temirjol jáne avtomobıl jelilerin qaıta qurý, jyljymaly quramdy keńeıtý, porttardyń ótkizý qabiletin arttyrý jáne shekaradan ótýdi jaqsartý sııaqty mańyzdy aspektilerdi qamtýy kerek.