Transkaspıı baǵyty Qytaıdyń «Bir beldeý, bir jol» bastamasymen ushtasady - Prezıdent
«Ekinshi. Kólik-logıstıkalyq ınfraqurylymdy damytý. Ortalyq Azııa «Qytaı – Eýropa» baǵyty boıynsha qurlyqtaǵy tranzıttik tasymaldardyń 80 paıyzdan astamy úshin ózindik kópir sanalady. Bul rette qazirgi kezeńde Transkaspıı halyqaralyq kólik baǵyty strategııalyq mańyzǵa ıe boldy. Bul baǵyt óńirlerimiz arasyndaǵy ózara qarym-qatynas deńgeıin edáýir arttyra alady. Jýyrda Qytaıǵa jasaǵan memlekettik saparymnyń aıasynda qytaılyq seriktesterimizben birge Sıan qalasynda logıstıkalyq termınaldyń irgetasyn qaladyq. Bul port Ortalyq Azııa terrıtorııasy arqyly Eýropaǵa tikeleı konteınerlik poıyzdardy jiberý úshin mańyzdy hab bolmaq. Sondaı-aq biz Transkaspıı baǵytyn Qytaıdyń «Bir beldeý, bir jol» bastamasymen ushtastyrýǵa ýaǵdalastyq. Byltyr osy kúre jol arqyly shamamen 1,7 mıllıon tonna júk tasymaldanǵanyn atap ótkim keledi. Bul 2021 jylǵy kórsetkishten eki ese kóp», - dedi QR Prezıdenti.