Transkaspıı baǵdarymen qazaqstandyq júk eksporty 2,7 ese ósti - QTJ
2023 jyldyń qańtar-naýryz aılarynda THKB baǵytyndaǵy tasymaldaý ótken jyldyń sáıkes kezeńimen salystyrǵanda 63,7%-ke ulǵaıyp, 433,2 myń tonnany qurady. Onyń ishinde jıyrma fýttyq balamada 4 myńnan astam konteıner tasymaldandy.
«2,7 eselik eń úlken ósim Qazaqstannan eksportqa keldi, ımporttyq tasymaldar 22%-ke artty.
«QTJ» UK» AQ jáne tutastaı alǵanda el úshin THKB áleýetin ashý - búgingi tańda basty kólik vektorlarynyń biri. Ótken jyly úlken jumys atqarylyp, ózgermeli geosaıası jaǵdaı aıasynda baǵdarǵa júkteme aıtarlyqtaı ósti.
Mýltımodaldy baǵdar birqatar elderdi baılanystyratynyn jáne teńiz porttary arqyly júkterdi birneshe ret aýystyryp tıeýdi qajet etetinin túsiný mańyzdy», - dep jazdy vedomstvodan.
Baǵdarǵa qatysýshylarmen birlesip kún saıyn ınfraqurylymdy jaqsartý, kedergilerdi joıý, dálizdiń ótkizý qabiletin arttyrý jáne júkterdiń qozǵalý ýaqytyn qysqartý jóninde sharalar qabyldanýda.
«Búgingi tańda Qytaıdan konteınerlerde tomat pastasy, hımıkattar men jabdyqtardy Ońtústik Eýropa men Túrkııaǵa tranzıtpen tasymaldaý júzege asyrylýda, Qazaqstannan tústi metaldar, ferroqorytpalar, jasymyq, astyq júkteri jáne t.b. konteınerlerge tıeý júrip jatyr», - deıdi «KTZ Express» AQ basshysy Kaırat Ýtıapov.
Dálizdi damytýǵa «Dostyq-Moıynty» ýchaskesinde ekinshi temir joldaryn, Aqtaý portyndaǵy konteınerlik habty, Almaty stantsııasynyń aınalma jelisin salýdy qosa alǵanda, baǵdarda iri ınfraqurylymdyq jobalardy iske asyrý da yqpal etedi.