Transformatsııalaý baǵdarlamasy «QazMunaıGaz» kompanııasyn qysqa merzimdegi jeńisterge jetkizdi

ASTANA. QazAqparat - Transformatsııalaý baǵdarlamasy aıasyndaǵy qysqa merzimde qol jetkizgen jeńister 2015 jyldy «QazMunaıGaz» kompanııasyna kirispen qorytyndylaýǵa múmkindik beredi. Bul týraly búgin Astanada «QazMunaıGaz» UK» AQ Basqarma tóraǵasynyń Korporatıvtik ortalyq jónindegi orynbasary Danııar Berlibaev málim etti.

«Bizde transformatsııalaý baǵdarlamasy aıasynda turaqty jáne tez arada qol jetkizgen jeńister bar. Osy oraıda bizde qysqa merzimde júzege asyrylǵan jeńisterimiz kóp. Olardyń ishinde bastylarynyń birine toqtalatyn bolsam, biz ózimizde adamdardy qyzmetke irikteýden bastap eńbekaqyny tóleýge deıin úderisti tıisti deńgeıge keltirdik», - dedi ol «Samuryq-Qazyna» AQ-nyń transformatsııasy: problemalar men olardy iske asyrý joldary» atty «Ekspert» klýbynyń otyrysynda. Sonymen qatar ol syrtqy konıýnktýranyń quldyraýyna qaramastan, «QazMunaıGaz» jyl sońyna qaraı tabyspen shyǵatyndyǵyn atap ótti. «Operatsııalyq shyǵystar qysqartylýy men ózge qadamdardyń arqasynda 2015 jyldy kirispen qorytyndylaımyz», - dedi D.Beribaev. Onyń sózine qaraǵanda, kompanııa shamamen byltyrǵy kiris dálizinde bolady dep boljanýda. Esterińizge sala keteıik, bir jyl buryn «Samuryq-Qazyna» AQ-da transformatsııa forýmy ótip, onda Qordyń transformatsııa Baǵdarlamasy resmı túrde tanystyrylyp, tusaýkeseri ótti.