Transferttik baǵa belgileýdi ózgertý bıýdjetke qosymsha túsim alýǵa múmkindik beredi – Ádil Jubanov

<p>Májilis depýtaty Ádil Jubanov transferttik baǵa belgileý máselesi boıynsha zańnamaǵa usynylyp otyrǵan ózgeristerdi túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Zań jobasynda usynylyp otyrǵan norma bıýdjetke qosymsha, munyń ústine qomaqty somanyń túsýine alyp keledi. Zańnamanyń qoldanystaǵy normalary tıimsiz ári halyqaralyq standarttarǵa saı kelmeıdi. Sońǵy 5 jylda tekserýler men monıtorıngtiń qorytyndysynda bıýdjetke 160 mlrd teńge óndirip alyndy. Osy zań jobasyna baqylaý turǵysynda naqty kúsheıtýdiń engizilgenin eskerer bolsaq, menińshe túsim eselep artatyn bolady», - dedi Ábid Jubanov agenttik tilshisiniń saýalyna oraı.

Onyń atap ótýinshe, naqty tetikterdiń biri naryqtyq dıapazon engizý, sondaı-aq taraptardyń ózara baılanystylyǵyn keńeıtý bolmaq. Bul da mámileniń naryqtyq baǵadan aýytqyǵany anyqtalǵan jaǵdaıda kiristi ulǵaıtýǵa qaraı túzetýge múmkindik beredi.

«Qazirgi ýaqytta transferttik baqylaýǵa barlyq halyqaralyq mámile – eksport, ımport jatady. Degenmen osy zań qabyldanǵannan keıin jergilikti esep-qısapty usynýdy ózgertý quraly boıynsha salyq tóleýshilerdi monıtorıngileýdi keńeıtý josparlanyp otyr. Eger buryndary jergilikti esep-qısapty jıyntyq jyldyq kirisi 5 mln AEK-ten, ıaǵnı 17 mlrd teńgeden joǵary 231 iri salyq tóleýshi usynsa, endigi ýaqytta osy zań jobasy aıasynda jergilikti esep-qısap tapsyratyn spalyq tóleýshilerdiń sany keminde 3 esege ulǵaıatyndyǵy kútiledi», - dedi Májilis depýtaty.

Aıta keteıik, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine transferttik baǵa belgileý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.