Tramptyń prezıdent saılaýyna qatysyp-qatyspaıtynyn AQSh Joǵarǵy soty sheshedi

<p>AQSh Joǵarǵy soty Donald Tramptyń Koloradodaǵy respýblıkalyq partııanyń praımerızine qatysýǵa tyıym salǵan sot sheshimine bergen apellıatsııalyq shaǵymyn qaraýǵa kelisti. Іs aqpan aıynda qaralyp, sheshim búkil elge taraıdy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.bbc.com/russian/articles/ckr8lnmxkdpo" target="_blank" rel="noopener">VVS</a>-ge silteme jasap habarlaıdy.</p>

Kolorado Joǵarǵy soty Donald Trampty 2021 jylǵy 6 qańtardaǵy tártipsizdiktegi róline baılanysty partııanyń prezıdenttikke kandıdatýrasyn anyqtaý úshin bastapqy saılaýda kandıdattar tiziminen shyǵarý kerek dep sheshti.

Zań turǵysynan alǵanda AQSh azamat soǵysy kezinde engizilgen konstıtýtsııalyq túzetý Trampqa qatysty qoldanyla ma degen suraq týyndaıdy.

AQSh Konstıtýtsııasyna engizilgen 14-shi túzetý «kóteriliske nemese búlikke qatysqan» kez kelgen adamǵa federaldy laýazym atqarýǵa tyıym salady, biraq burynǵy prezıdenttiń advokattary onyń Trampqa qatysy joq dep esepteıdi.

«Kolorado Joǵarǵy sotynyń sheshimi Koloradodaǵy mıllıondaǵan saılaýshyny saılaý quqyǵynan aıyrady jáne bul sheshim búkil el boıynsha on mıllıondaǵan saılaýshyny saılaý quqyǵynan aıyrý úlgisi retinde paıdalanylýy múmkin» dep sanaıdy onyń advokattary.

Kolorado respýblıkalyq partııasy shtattaǵy praımerızdi tolyǵymen toqtatyp, partııa músheleri beıresmı kezdesýde ashyq daýys berý arqyly prezıdent kandıdatýralaryn bıýlletensiz rastaıtyn kokýs protsesin bastaımyz dep qorqytty.

Kolorado Joǵarǵy sotynyń jeltoqsanda shyǵarǵan sheshimi konstıtýtsııaǵa engizilgen 14-shi túzetý prezıdenttikke kandıdatty dıskvalıfıkatsııalaý úshin qoldanylǵan AQSh tarıhyndaǵy alǵashqy jaǵdaı boldy.