Trampty kim atqany belgili boldy

<p>VAShINGTON. KAZINFORM &mdash; Senbi kúni burynǵy prezıdent Donald Trampty óltirmek bolǵan adamnyń 20 jastaǵy Tomas Mettıý Krýks ekeni anyqtaldy, dep habarlaıdy <a href="https://nypost.com/2024/07/13/us-news/thomas-matthew-crooks-idd-as-gunman-who-shot-trump-during-pa-rally/" target="_blank" rel="noopener">New York Post </a>basylymy.</p>

Pensılvanııa shtatyndaǵy Betel-park turǵyny Tomas Krýks Pıttsbýrg mańyndaǵy Batler kóshelerindegi mıtıngide oq jaýdyrdy, oqtyń biri Tramptyń qulaǵyna tıdi.

«Krýks Butler Farm Show sahnasynan 130 ıard qashyqtyqta ornalasqan óndiristik ǵımarattyń tóbesinde boldy», deıdi derekkóz.

Ony Qupııa qyzmet snaıperleri óltirdi. Onyń myltyǵy keıinirek tabyldy.

Betel parki — Batlerdegi mıtıng alańynan ońtústikke qaraı 40 mıl qashyqtyqta ornalasqan aýyl.

Krýkstyń respýblıkashyl prezıdenttikke boljamdy kandıdatty ne sebepti atqany belgisiz.

Esterińizge sala keteıik, 13 shilde kúni keshke Pensılvanııadaǵy saılaýaldy naýqanynda AQSh-tyń burynǵy prezıdenti Donald Tramptyń ómirine qastandyq jasalǵan bolatyn. Onyń qulaǵy jaraqattandy, mıtıngte bir qatysýshy qaıtys boldy, taǵy ekeýi aýyr jaraqat aldy. Atqan adamdy qupııa qyzmet óltirgen.