Tramp: Saılaýda jeńiske jetsem, Baıdenniń ulyna raqymshylyq jasaýǵa ruqsat berer edim

<p>ASTANA. KAZINFORM &ndash;&nbsp; AQSh-tyń burynǵy prezıdenti, Respýblıkalyq partııadan AQSh prezıdenttigine úmitker Donald Tramp prezıdenttik saılaýda jeńiske jetken jaǵdaıda qazirgi amerıkalyq kóshbasshy Djo Baıdenniń uly Hanter Baıdenge raqymshylyq jasaýdan bas tartpaıtynyn aıtty, dep habarlaıdy TASS agenttigi.</p>

«Men ony tizimnen syzyp tastamas edim», — dedi  Tramp radıojúrgizýshi Hıý Hıýıtttiń «Hanter Baıden túrmege jabylsa, keshirer me edińiz?» degen saýalyna oraı.

Sonymen birge Tramp kishi Baıdenniń jaman adam ekenin aıtty.

2023 jyldyń jeltoqsan aıynyń basynda amerıkalyq kóshbasshynyń ulyna toǵyz salyq tóleýden jaltarǵan degen aıyp taǵyldy. Prokýrorlar ol mıllıondaǵan dollardy «salyq tóleýdiń ornyna ekstravaganttyq ómir saltyna» jumsady dep esepteıdi. Ol 17 jylǵa deıin bas bostandyǵynan aıyrylýy múmkin.

2024 jyldyń qyrkúıeginde kishi Baıden barlyq toǵyz aıyp boıynsha kinásin moıyndady.

Buǵan deıin qazylar alqasy AQSh prezıdenti Djo Baıdenniń uly Hanter Baıdendi atys qarýyn satyp alý kezinde esirtki paıdalanǵany týraly ótirik aıtqany úshin kináli dep tapqany habarlanǵan bolatyn. Bul jaǵdaıda ol 25 jylǵa deıin bas bostandyǵynan aıyrylýy múmkin.

Esterińizge sala keteıik, Tramp saılaýda jeńiske jetken jaǵdaıda «Taıaý Shyǵystaǵy haosty toqtatýǵa» ýáde berdi.