Tramp mıllıarder Skott Bessentti jańa qyzmetke usyndy

<p>ASTANA.KAZINFORM - AQSh-tyń jańadan saılanǵan prezıdenti Tramp mıllıarder Skott Bessentti qarjy mınıstri laýazymyna usyndy. Ol sońǵy kezderi Tramptyń ekonomıkalyq máseleler jónindegi keńesshisi qyzmetin atqardy, dep jazdy <a href="https://t.me/bbcrussian/73285" target="_blank" rel="noopener">BBC.</a></p>

Bessent Tramptyń ekonomıkalyq bastamalarynyń kópshiligin, sonyń ishinde salyqty azaıtý jáne sheteldik ónimderge baj salyǵyn arttyrýdy qoldaıdy. Ol sondaı-aq krıptovalıýta naryǵyn belsendi jaqtaýshy.

Aıta keteıik bul usynys Senattyń maquldaýyn talap etedi.

Buǵan deıin Tramp óziniń bolashaq ákimshiligine alǵashqy taǵaıyndaýlardy jarııalaǵan bolatyn. Sodan keıin ol Pentagon men TsRÝ basshylaryn atady jáne Maskqa úkimettiń tıimdilik departamentin basqarýdy usyndy.

Ol sondaı-aq Densaýlyq saqtaý mınıstrliginiń basshysy laýazymyna kishi Kennedıdiń kandıdatýrasyn usyndy, AQSh Memlekettik departamenti men Ulttyq barlaý basqarmasynyń basshylaryn jáne Aqúıdiń jańa baspasóz hatshysyn taǵaıyndady.

Sonymen qatar, Tramp AQSh-tyń energetıka mınıstri laýazymyna Liberty Energy munaı kompanııasynyń basshysyn tańdady.