Tramp Qytaı, Meksıka jáne Kanada taýarlaryna jańa tarıf engizýdi josparlap otyr

<p>ASTANA. KAZINFORM &mdash; AQSh-tyń jańadan saılanǵan prezıdenti Donald Tramp óziniń Truth Social platformasynda jarııalaǵan málimdemesinde, prezıdent qyzmetine kirisken alǵashqy kúni, ıaǵnı 20 qańtarda, Qytaı, Meksıka jáne Kanadadan keletin taýarlarǵa jańa tarıfter engizýdi josparlap otyrǵanyn habarlady, dep jazady <a href="https://www.bbc.com/news/articles/cvg7y52n411o" target="_blank" rel="noopener">BBC</a> aqparat agenttigi.&nbsp;</p>

Tramptyń aıtýynsha, Qytaıdan keletin taýarlarǵa 10% qosymsha tarıf qoıylady. Bul shara Qytaı úkimetin elden sıntetıkalyq opıoıd fentanıldiń zańsyz eksportyn toqtatýǵa májbúrleý maqsatynda engizilmek.

Al Meksıka men Kanadadan keletin taýarlarǵa 25% tarıf qosylady. Bul tarıfter atalǵan elder esirtki men zańsyz mıgranttardyń AQSh shekarasynan ótýin toqtatqanǵa deıin kúshinde bolady.

Qytaıdyń Vashıngtondaǵy elshiligi Tramptyń aıyptaýlaryn negizsiz dep atady jáne Qytaıdyń saýda soǵysyna barǵysy kelmeıtinin málimdedi. 

Budan buryn, saılaýaldy kampanııasy kezinde, Tramp Qytaı men Meksıkadan ımporttalatyn taýarlarǵa 100%-ǵa deıin tarıf engizý múmkindigin qarastyratynyn málimdegen bolatyn.

Eske salsaq, buǵan deıin Brýk Rollıns AQSh Aýyl aýyl sharýashylyǵy mınıstri bolýy múmkin ekeni habarlandy.