Tramp Kıt Kellogti Ýkraına men Reseı boıynsha arnaıy ókil etip taǵaıyndady

<p>ASTANA. KAZINFORM &mdash; Jańadan saılanǵan prezıdent Donald Tramp otstavkadaǵy general-leıtenant Kıt Kellogti Ýkraına men Reseı boıynsha arnaıy ókil etip taǵaıyndaǵanyn málimdedi, dep habarlaıdy Kazinform agenttiginiń menshikti tilshisi <a href="https://thehill.com/homenews/administration/5012556-trump-appoints-kellogg-ukraine/" target="_blank" rel="noopener">The Hill</a> basylymyna silteme jasap.&nbsp;</p>

Kıt Kellog buǵan deıin prezıdent Donald Tramptyń birinshi merziminde Ulttyq qaýipsizdik keńesiniń apparat basshysy qyzmetin atqarǵan. 

Donald Tramp Kıt Kellogti janynda «basynan beri» bolǵany úshin maqtap, onyń áskerı jáne iskerlik mansabyn atap ótti.

«Biz birge KÚSh ARQYLY BEIBІTShІLІKTІ qamtamasyz etemiz jáne Amerıka men álemdi QAÝІPSІZ jasaımyz! — delingen jańadan saılanǵan prezıdent málimdemesinde. 

Kıt Kellog Donald Trampqa óte adal bolyp sanalady, onyń taǵaıyndalýynyń sebebi osy bolýy múmkin.

Aıta keteıik, keıbir respýblıkashyldar Ýkraınadaǵy janjal Qurama Shtattarǵa esh qatysy joq eýropalyq másele ekenin alǵa tartady. Alaıda, olardyń málimetinshe, Donald Tramp soǵysty toqtatýdy prezıdent retindegi birinshi kúni sheshýdi josparlap otyrǵan mańyzdy syrtqy saıasat máselesi retinde qarastyryp otyr.

Buǵan deıin Tramp óziniń bolashaq ákimshiligine alǵashqy taǵaıyndaýlardy jarııalaǵan bolatyn. Sodan keıin ol Pentagon basshylaryn atady. Al Maskqa úkimettiń tıimdilik departamentin basqarýdy usyndy.

Ol sondaı-aq Densaýlyq saqtaý mınıstrliginiń basshysy laýazymyna kishi Kennedıdiń kandıdatýrasyn usyndy, AQSh Memlekettik departamenti men Ulttyq barlaý basqarmasynyń basshylaryn jáne Aqúıdiń jańa baspasóz hatshysyn taǵaıyndady. 

Sonymen qatar, Tramp AQSh-tyń energetıka mınıstri laýazymyna Liberty Energy munaı kompanııasynyń basshysyn tańdady.

Donald Tramp óziniń burynǵy ekonomıkalyq keńesshisi Kevın Hassetti Aq úıdiń Ulttyq ekonomıkalyq keńesiniń basshylyǵyna usyndy.

Ol sondaı-aq mıllıarder Skott Bessentti qarjy mınıstri laýazymyna usyndy.