Tramp Harrıs ekeýiniń arasynda ótetin pikirtalastan bas tartty

<p>ASTANA. KAZINFORM &ndash; AQSh-tyń burynǵy prezıdenti Donald Tramp Fox News telearnasynyń 24 nemese 27 qazanda pikirtalas ótkizý usynysynan<a href="https://www.inform.kz/ru/tramp-okazalsya-ot-uchastiya-v-novih-debatah-s-harris-cd1c36" target="_blank" rel="noopener"> bas tartty</a>.&nbsp;</p>

«Protsess shekten shyǵyp ketti, daýys berý bastaldy – rematch bolmaıdy!», – dep jazdy D.Tramp Truth Social áleýmettik jelisinde. 

D.Tramp sondaı-aq buǵan deıin Fox News arnasynan 4 qyrkúıekte Kamala Harrıspen debatqa qatysýǵa shaqyrýdy qabyldaǵanyn, biraq qarsylasy odan bas tartqanyn eske saldy.

Respýblıkalyq saıasatker saýalnamada alda kele jatqanyn, sondyqtan qarsylasymen alshaqtyq kún saıyn artyp kele jatqanyn qosyp ótti. Onyń pikirinshe, pikirtalasty qaıta jalǵastyrýdyń máni joq, óıtkeni K.Harrıs AQSh prezıdenti Djo Baıdenniń saıasatynda eshteńe ózgertpeıdi. Tramp sonymen qatar onyń kandıdattyq seriktesi Djeı Dı Venstiń jaqynda ótken pikirtalasta demokratııalyq qarsylasy Tım Ýoltsty «qıyndyqsyz jeńgenin» atap ótti. 

AQSh prezıdenttigine kandıdattar Kamala Harrıs pen Donald Tramp qarasha aıyndaǵy saılaý aldynda ABC News arnasynyń tikeleı efırinde saılaý aldyndaǵy alǵashqy jáne yqtımal jalǵyz teledebatyn ótkizdi. 

Keıin Donald Tramp óziniń básekelesi, Demokratııalyq partııadan úmitker Kamala Harrıspen endi saılaýaldy pikirtalasqa qatyspaıtynyn málimdedi. 

AQSh-ta kelesi prezıdent saılaýy 5 qarashaǵa belgilengen.