Tramp bılikke kele sala AQSh-ty Dúnıejúzilik densaýlyq saqtaý uıymynan shyǵarmaq

<p>ASTANA. KAZINFORM &ndash; Donald Tramp prezıdenttiktiń tizginin ustaı sala AQSh-ty Dúnıejúzilik densaýlyq saqtaý uıymynan shyǵarýdy kózdep otyr, dep habarlaıdy <a href="https://www.dw.com/ru/%D1%82%D0%B5%D0%BC%D1%8B-%D0%B4%D0%BD%D1%8F/s-9119" target="_blank" rel="noopener">DW</a>.</p>

Financial Times basylymynyń habarlaýynsha, Tramp komandasynyń músheleri AQSh-tyń Dúnıejúzilik densaýlyq saqtaý uıymynan (DDU) shyǵatyny týraly 20 qańtarda jańa prezıdenttiń ınaýgýratsııasy kúni jarııalaýdy josparlap otyr.

Osylaısha, DDU eń iri qarjylandyrý kózinen aıyrylyp qalmaq. Bul onyń koronavırýs pandemııasy sııaqty epıdemııalarǵa tótep berý qabiletin tómendetedi.

- Amerıka densaýlyq saqtaý salasyndaǵy jahandyq kóshbasshylyq pen qarjylandyrýda úlken vakýým jasaıdy. «Onyń ornyn toltyra alatyn eshkimdi kórip turǵan joqpyn, - deıdi Djordjtaýn ýnıversıtetiniń jahandyq densaýlyq saqtaý professory Loýrens Gostın.

Onyń pikirinshe, AQSh Dúnıejúzilik densaýlyq saqtaý uıymynan shyqsa, Eýroodaq elderi qarjylandyrý úlesin kóbeıte qoımas, al Qytaı kerisinshe, óz yqpalyn arttyrýǵa tyrysýy múmkin. Ǵalym DDU endi «óte qıyn kezeńderge» tap bolatynyn atap ótti.

Osyǵan deıin Tramp pen SoftBank AQSh-qa 100 mlrd dollar ınvestıtsııa quıatyny týraly habarladyq.