«Toıota» olımpıadashylardy qoldaý úshin UOK-ge 8 kólik syılady
Osylaısha, Ulttyq Olımpıada komıtetine qoldaný úsh Hiace, eki Land Cruiser 200 jáne úsh Camry kóligi berildi. Avtokólikter Astana men Almaty qalasyndaǵy UOK fılıalynyń kúndelikti qyzmet kórsetý maqsatynda qoldanylady.
Byltyrǵy jyldyń qazan aıynda Toyota men UOK yntymaqtastyq týraly kelisimshartqa qol qoıǵan bolatyn. Kelisimge sáıkes Toyota 2024 jylǵa deıin Qazaqstan quramasyna Olımpıada oıyndarynda jáne basqa da halyqaralyq jarystarda qoldaý kórsetedi.
«Koreıadaǵy Olımpıada oıyndary qarsańynda biz Ulttyq Olımpıada komıteti TOP áriptesimiz Toyota kompanııasymen seriktestigimizdi nyǵaıta tústik. Mundaı úlken áriptesterimizdiń olımpıadalyq qozǵalysyna erekshe mán berip, sporttyń damýyna kóp úles qosýy bizdi qýantady. Ulttyq Olımpıada komıteti atynan Qazaqstan quramasyna qoldaý kórsetip júrgeni úshin «Toıota Motor Qazaqstan» kompanııasyna alǵys aıtqymyz keledi. Bizdiń seriktestigimiz otandyq sportshylarymyzǵa rýhanı kúsh berip, kóptegen qazaqstandyqtardy sportpen aınalasýǵa shaqyrady degen oıdamyz. Birneshe kúnnen keıin bárimiz otandyq sportshylarymyzǵa Olımpıada oıyndarynda jankúıer bolamyz. 9 sport túrinen 57 lıtsenzııa alǵan ár sportshymyz qurmetke laıyq», - dedi Qazaqstan UOQ Bas hatshysy Danııar Abýlǵazın.
Toyota byltyrǵy jyldyń qarasha aıynda Start Your Impossible atty úlken joba uıymdastyrǵan bolatyn. Bul joba - kompanııanyń myqty qoǵam qurýdyń bir belgisi bolǵan. «Biz erkin qozǵalǵanda bári múmkin!» - kompanııanyń basty urany.
Bul qozǵalystyń basty qaharmandary olımpıadalyq Qazaqstan quramasynyń músheleri.
«Olar - Qazaqstan eliniń maqtanyshy. Halyqaralyq jarystarda el namysyn abyroımen qorǵap júrgen otandyq sportshylardy qoldaý - biz úshin úlken qurmet. Sondyqtan, biz olımpıadalyq qozǵalysyn damytý aıasynda qýana-qýana óz kólikterimizdi Ulttyq Olımpıada komıtetine usyndyq», - dedi «Toıota Motor Qazaqstan» kompanııasynyń prezıdenti Kıt Metıý Sımmons.
XXIII qysqy Olımpıada oıyndary aqpannyń 9-26 aralyǵynda Ońtústik Koreıada ótedi.