Toyota-dan shıkilik shyqty: avtokólikterdi satý kezinde qosymsha jabdyqtardy májbúrlep alǵyzǵan

<p>ASTANA. KAZINFORM &mdash; Áıgili Toyota kompanııasynyń Qazaqstandaǵy resmı dılleriniń zańsyz áreketi áshkere boldy.&nbsp;</p>

Almaty qalasyndaǵy Básekelestikti qorǵaý jáne damytý agenttigi Departamenti «Toyota Tsusho Kazakhstan Auto» JShS-niń monopolııalyq jaǵdaıdy teris paıdalaný belgileri boıynsha tergeý júrgizdi.

Málim bolǵandaı, 2020-2021 jyldary Almatyda satylǵan avtokólikterdiń 82%-dan astamynda jabdyqtar qosymsha aqyǵa satylǵany anyqtaldy.  

Agenttiktiń málimetinshe, bul jabdyqtyń quny 3 mln teńgege deıin jetken, al keıbir sanattar boıynsha ústeme baǵa 200%-dan asyp ketken. Osylaısha, kompanııa jańa avtokólikterdi satý kezinde klıentterge qosymsha jabdyqtardy májbúrli túrde alǵyzǵany anyqtalyp otyr. 

— Tergeý nátıjeleri kompanııa tarapynan daýlaýǵa túskenimen, 2024 jyldyń sońynda Qazaqstan Respýblıkasynyń Joǵarǵy soty Departamenttiń tergeýin zańdy dep tanydy. Almaty qalasy boıynsha ákimshilik quqyq buzýshylyqtar jónindegi mamandandyrylǵan aýdanaralyq sottyń qaýlysymen jańa jeńil avtokólikterdi satý kezinde klıentterge qosymsha jabdyqtardy májbúrlep usyný faktileri boıynsha kompanııaǵa monopolıstik qyzmetten túsken tabys (paıda) kóleminiń 5%-y mólsherinde ákimshilik aıyppul salyndy. Aqshalaı túrde aıyppul somasy 88 mln teńgeni qurady, — delingen habarlamada.

Birinshi ınstantsııa sotynyń qaýlysy zańdy kúshine engen joq.

Eske sala keteıik, Básekelestikti qorǵaý jáne damytý agenttiginiń mamandary stomatologııalyq qyzmetterdiń quny memleket tarapynan rettelmeıtinin, biraq bir qyzmetke eki túrli baǵa usyný zańǵa qaıshy ekenin aıtqanyn jazǵan bolatynbyz.