Toıǵa barǵan Qaırat Nurtasqa qatysty tekserý júrgizilýde
ShQO Sanıtarlyq-epıdemıologııalyq baqylaý departamentiniń basshysy Qanat Turdıev onlaın formatta ótken baspasóz máslıhatynda Semeı qalasyndaǵy toıǵa qatysty tekserý jumystarynyń júrgizilip jatqandyǵyn aıtty.
«Osydan birneshe kún buryn áleýmettik jelilerde Semeıdegi meıramhanalardyń birinde ótken toıda bolǵan estrada juldyzy Qaırat Nurtas pen qonaqtardyń vıdeolary jarııalanǵan bolatyn. Qazirgi ýaqytta sanıtarlyq-epıdemıologııalyq talaptardy buzǵan meıramhana ıesine qatysty tıisti materıaldar daıyndaldy», - dedi ol.
Atalǵan fakti boıynsha Semeı qalasynyń sanıtarlyq-epıdemıologııalyq baqylaý bóliminiń mamandary tekserý júrgizýde. Al Qaırat Nurtasqa qatysty shekteý sharalaryn buzý týraly materıaldar onyń turǵylyqty meken-jaıy boıynsha SEB basqarmasyna joldanǵan.