Toıdan keıin bir-birin pyshaqtaǵan qostanaılyqtar ustaldy

<p>Qostanaıda polıtsııa qyzmetkerleri úılený toıynda bolǵan janjalǵa qatysqan 6 adamdy ustady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Oblystyq departamenttiń dereginshe, 1 qazanǵa qaraǵan túni polıtsııaǵa Qostanaıdaǵy meıramhanalardyń biriniń janynda birneshe adamnyń tóbelesip jatqany týraly habarlama túsken.

«Oqıǵa ornyna dereý kelgen polıtseıler Qostanaı qalasy polıtsııa basqarmasy Soltústik bólimine 6 qatysýshyny jetkizdi. Іs júrgizý kezinde bolǵan oqıǵanyń mán-jaıy anyqtaldy. Úılený toıynan keıin Qostanaı meıramhanalarynyń biriniń janynda qonaqtar arasyndaǵy janjaldyń arty birneshe er adamnyń tóbelesine ulasqan. Onyń barysynda er adamnyń biri ózgege pyshaq salǵan. Jaýap alynǵan 56 jastaǵy turǵyn qasaqana pyshaqtaý faktisin joqqa shyǵarmady. Oqıǵa saldarynan 27 jastaǵy jaraqat alǵan adam aýrýhanaǵa jatqyzyldy», - dep málim etti oblystyq Polıtsııa departamentiniń baspasóz qyzmetinen.

Atalǵan oqıǵadan keıin Qylmystyq kodekstiń «Densaýlyqqa qasaqana aýyr zııan keltirý» jáne «Buzaqylyq» baptary boıynsha sotqa deıingi tergeý bastaldy.