Tótenshe jaǵdaılar salasynda kadr asa tapshy emes

ASTANA. QazAqparat – Tótenshe jaǵdaılar salasyndaǵy kadr tapshylyǵy – 10 paıyz. Bul týraly Ortalyq kommýnıkatsııalar qyzmetinde bolǵan brıfıngide Tótenshe jaǵdaılar birinshi vıtse-mınıstri Ibragım Kúlshimbaev málim etti, dep habarlaıdy QazAqparat tilshisi.

«Qazirgi tańda kóp vakantty oryndar joq. 10 paıyzǵa da jetpeıdi. Búgingi kúni kóp tapshylyq joq. Sonymen qatar, bizge 18 jasqa tolǵan, orta mektep bitirgen azamattar jumysqa turýyna bolady. Basynda olar arnaıy daıyndyqtan ótedi. Ár oblysta bizdiń azamattyq qorǵaý akademııasynyń bólimderi ashylǵan. Sol fılıaldarda daıyndyqtan ótip, jumysqa kirisedi», - dep málim etti Tótenshe jaǵdaılar birinshi vıtse-mınıstri.

Brıfıng barysynda Ibragım Kúlshimbaev qazirgi ýaqytta Tótenshe jaǵdaılar mınıstrliginde 28 myńnan asa qyzmetker eńbek etetinin atap ótti.

«Búgingi kúnde Tótenshe jaǵdaılar mınıstrliginde 28 myńnan artyq qyzmetker jumys isteıdi. Onyń ishinde eń kóbi – órt sóndirýshiler. Olardyń sany 21 myńnan asady. Qalǵandary áskerı qyzmetkerler, azamattyq qorǵaý salasy mamandary men dárigerler», - dep toqtaldy Ibragım Kúlshimbaev.

Qosa ketsek, buǵan deıin Tótenshe jaǵdaılar birinshi vıtse-mınıstri qutqarýshylar alatyn eń tómengi jalaqy mólsherin jarııalaǵan bolatyn.