Tótenshe jaǵdaılar salasynda isteıtin erli-zaıypty otbasylyq baqyt qupııasymen bólisti

QOSTANAI. QazAqparat - Órt sóndirý jáne avarııalyq-qutqarý jumystary qyzmetinde isteıtin erli-zaıypty Natalıa men Konstantın Krıtskıı otbasy baqytynyń syrymen bólisti, dep habarlaıdy QazAqparat tilshisi.

Konstantın órt sóndirýdegi kezekshi qyzmettiń jedel kezekshisi bolyp jumys isteıdi. Dál osy qyzmet «101» telefon nómiriniń jumysyn baqylaıdy jáne qaýipsizdikti qamtamasyz etýde mańyzdy ról atqarady. Al Natalıa № 1 mamandandyrylǵan órt sóndirý bóliminde radıotelefonshy bolyp jumys isteıdi.

Erli-zaıypty kúrdeli qurylymda qyzmet ete otyryp, shańyraqty shaıqaltpaı, saqtap qalýdyń joldaryn aıtyp, syrlarymen bólisti. Olardyń otasqanyna – 13 jyl jáne alǵashqy kúngideı bir-birine qurmetpen jáne súıispenshilikpen qaraıdy.

«Bizdiń jumys isteıtin salada otbasyn quryp jatatyn juptar óte kóp. Olardyń súıispenshiligi shabyttandyrady, sondaı-aq bizdiń kúrdeli de qıyn kásibimizdiń boıymyzdaǵy náziktikti saqtaýǵa, súıýge jáne otbasylyq qarym-qatynasty qurýǵa kedergi keltirmeıtinin kórsetedi», - dep bólisedi Natalıa.

Sońǵy kezderi ajyrasýlar kóbeıip ketkeni jasyryn emes. Kóbine jas jubaılar otbasy baqytynyń qundylyqtaryn túsine bermeıdi. Al Konstantın men Natalıanyń otbasy shynaıy otbasylyq qarym-qatynastyń úlgisi.

«Bizdiń mamandyǵymyz árqashan qaterge daıyn bolýdy qajet etedi. Bul bizdiń úırenshikti ómir saltymyz. Bizdiń bir qyzmette jumys isteıtinimiz yńǵaıly jáne eshqandaı suraqtar týyndamaıdy. Kúıeýim ekeýmiz úı sharýasyn teń bólisemiz. Árkez bir-birimizge qoldaý kórsetip kelemiz jáne bul berik, uzaq qarym-qatynastyń kilti», - dedi Natalıa.